Kaaba: Diferenzas entre revisións
Sen resumo de edición |
Sen resumo de edición |
||
Liña 38: | Liña 38: | ||
|marksize =10 |
|marksize =10 |
||
|border =white |
|border =white |
||
|caption= Localización da Kaaba en [[Arabia |
|caption= Localización da Kaaba en [[Arabia Saudita]]. |
||
}} |
}} |
||
}} |
}} |
Revisión como estaba o 2 de novembro de 2014 ás 00:58
Coordenadas: 21°25′20.98″N 39°49′34.33″L / 21.4224944, -39.8262028
Un peregrino realiza unha oración preto da Kaaba. | |
País: | Arabia Saudita |
---|---|
Cidade: | A Meca |
Construtor: | Profeta Adán |
Datas: | 605 - Reconstrución da Kaaba Quraish 638 - Reconstrución de Abdullah ibn az-Zubayr 693 - Reconstrución de Abdul-Malik ibn Marwan 1629 - Reconstrución na época do sultán Murad Khan 1996 - Restauración da Kaaba |
Base: | 11,03 m × 12,86 m |
Altura: | 13,1 m |
Mapa de localización | |
Localización da Kaaba en Arabia Saudita. |
Kaaba (árabe: الكعبة ou Al Ka'abah Al Musharafah : الكعبة المشرًّفة tamén: al-Bait ul Ateeq البيت العتيق e al-Bait ul Haram البيت الحرام) é unha construción reverenciada polos musulmáns, na mesquita sagrada de Masjid al-Haram na Meca, e é considerado polos devotos do islam como o lugar máis sagrado do mundo.
A Kaaba é unha construción cúbica de 15,24 m de altura e está cercada por muros de 10,67 m e 12,19 m de altura. Está permanentemente cuberta por unha manta escura con bordados dourados que é regularmente substituída. No seu interior atópase a Pedra Negra (Hajar-ul-Aswad), unha pedra escura de preto de 50 cm de diámetro, considerada unha das reliquias máis sagradas do islam. É probabelmente o resto dun meteorito.
Historia
A Kaaba é o lugar máis sagrado do islam, e centro das peregrinacións (hajj), e é para onde se vira o devoto musulmán durante os seus rezos diarios (salat).
No período pagán, a Kaaba probabelmente simbolizaba o sistema solar, abrigando 360 ídolos, sendo así unha representación zodiacal. Cando o profeta Mahoma repudiou todos os deuses pagáns e proclamou un Deus único, Alá, a Kaaba pasou de ser un centro de peregrinación pagá a un centro da nova fe.
O edificio foi varias veces restaurado, sendo a actual construción datada no século VII, substituíndo a máis antiga que foi destruída no cerco de Meca en 683.
Segundo algunhas lendas islámicas, a Kaaba foi construída por Adán para adorar ao Señor Deus. Segundo o Corán, os fundamentos da Kaaba estableceunos Abraham, que recibiu a pedra negra do anxo Gabriel.
7 E aparecéuselle Deus a Abrahan (Ibrahim) e dixo: Á túa semente dareille esta terra. E edificou alí un altar ao Deus, que se lle aparecera.
8 E foise para a montaña á banda do oriente de Betel e armou a súa tenda, tendo Betel ao occidente e Ai ao oriente; e edificou alí un altar a Deus e invocou o nome de Deus.Antigo Testamento, Xénese 12, 7, 8.
E cando Abrahan e Ismael elevan os cimentos da casa, dicindo: ¡Noso Señor! aceita de nós (este traballo). Certamente Ti es quen todo o escoita, quen todo o sabe.Corán, Sura 2, verso. 127
Hoxe, a Kaaba representa a casa de Deus. Para o musulmán, que se volta cara ela nas súas preces diarias, representa non só o centro do mundo, senón o centro do propio universo.
Estrutura da Kaaba
A Kaaba é unha construción de forma rectangular e medidas irregulares: 10,67 m de fronte, 12,19 m de lado e 15,24 m de alto. O edificio non ten fiestras e só hai unha porta de ouro. O exterior da Kaaba é de granito, o interior está cuberto de mármore e o teito é de madeira. Toda a estrutura cúbrese cunha tea negra de seda bordada con textos do Corán en ouro chamada kiswa.
Kaaba | Dimensións |
---|---|
Kaaba - الكعبة | |
---|---|
En tempos de Mahoma, a tribo de Quraish era a encargada de gardar o santuario da Kaaba. Mahoma era fillo dun mercader pertencente a esa tribo.
|
Notas
- ↑ [Alex Bevan, John De Laeter, Meteorites: A Journey Through Space and Time, pp. 14-15. UNSW Press, 2002. ISBN 0-86840-490-X]
Véxase tamén
Outros artigos
Ligazóns externas
- Kaaba
- Historia da Caaba (Ligazón morta)
- The History of Kaaba (Ligazón morta)
- Video de 2'42" do interior da Kaaba. Imaxes por ordenador e reais (en Youtube)