Bordeos: Diferenzas entre revisións

Explorar o historial de forma interactiva

← Edición máis vella Edición máis nova →

Contido eliminado Contido engadido

En liña

Revisión como estaba o 29 de outubro de 2014 ás 11:37

Coordenadas: 44°50′16″N 00°34′46″O / 44.83778, -0.57944 Modelo:Cidade Bordeos^[1] (en occitano: Bordèu; en francés: Bordeaux) é unha cidade do suroeste de Francia, capital da rexión de Aquitania e do departamento da Xironda. Está cruzada polo río Garona. O seu xentilicio en lingua galega é bordelés/-esa, e burdigalense/-a.^[2]

É un porto accesible para os barcos de altura. Pero os máis atracan augas abaixo do Gironde, principalmente en Verdon. Posúe a derradeira ponte da embocadura do Gironda, a ponte de Aquitania. Máis alá, o Garona, e despois o Gironde, non son franqueables máis que por algúns barcos.

Urbanismo

Bordeos é unha cidade na que o desenvolvemento precoz conduciu rapidamente á urbanización completa do territorio municipal, e tamén ó crecemento nos barrios dos arredores, dende o comezo do século XX, como demostra a evolución do número de habitantes.

Tras un período de rápido despoboamento e de importantes traballos de renovación dos barrios máis antigos, a poboación da cidade estabilizouse. Ó mesmo tempo, a aglomeración desenvolveuse a un ritmo rápido, debido a unha forte urbanización. Isto está moi ligado ó feito de que a tipoloxía das construcións da aglomeración bordelesa excede raramente dous, ás veces tres andares, nos arrabaldes.

Despois de abandonado un proxecto de metro automático, Bordeos dotouse dunha especie de tranvía, inaugurado o 21 de decembro de 2003.

Historia

Bordeos foi fundada no século III aC co nome de Burdigala polos Bituriges Vivisci (literalmente "biturixes desprazados"), que eran un pobo galo da rexión de Bourges. O primeiro emprazamento situouse na embocadura do Devèze, un afluente do Garona, próximo ó Gironde.

Nesa época actuou como un emporium, un tipo de vila de comerciantes, controlando as rotas do estaño e do chumbo entre os portos galos do río Loira e a república romana. Despois da ocupación romana, Burdigala desenvolveuse e acabou por se converter na cidade máis opulenta da Galia. No século II quitoulle a Saintes (daquela Mediolanum Santonum) o título de capital administrativa da provincia de Aquitania.

Do século XII ao século XV a cidade é un feudo dos reis de Inglaterra. O século XVIII é a súa época dourada, co florecente comercio coas Antillas. As suntuosas mansións costeiras son desa época. Durante a primeira guerra mundial, estando París ameazado polo avance dos exércitos alemáns, o goberno francés reprégase en Bordeos. Fixo mesmo de capital en 1940, antes da derrota.

Administración

Dende 1966, Bordeos é a sede da Comunidade Urbana de Bordeos, que comprende 27 concellos: Ambarès-et-Lagrave, Ambès, Artigues-près-Bordeaux, Bassens, Bègles, Blanquefort, Bordeos, Bouliac, Le Bouscat, Bruges, Carbon-Blanc, Cenon, Eysines, Floirac, Gradignan, Le Haillan, Lormont, Mérignac, Parempuyre, Pessac, Saint-Aubin-de-Médoc, Saint-Louis-de-Montferrand, Saint-Médard-en-Jalles, Saint-Vincent-de-Paul, Le Taillan-Médoc, Talence, Villenave-d'Ornon.

Bordeos está dividido en 8 cantóns:

O 1º cantón conta 24.453 habitantes,
O 2º cantón conta 23.855 habitantes;
O 3º cantón conta 31.634 habitantes;
O 4º cantón conta 30.994 habitantes;
O 5º cantón conta 25.184 habitantes;
O 6º cantón conta 27.302 habitantes;
O 7º cantón conta 12.993 habitantes;
O 8º cantón conta 38.948 habitantes.

Monumentos

A cidade está clasificada como Patrimonio da Humanidade grazas ao seu conxunto escultórico e arquitectónico.

Monumento ós xirondinos e á República.
Grand Théâtre.
Ponte de Pedra.
Catedral de Santo André.
Palacio Rohan, onde está a casa do concello.
Praza das Quinquonces, segunda praza máis grande de Francia (despois da praza da Concordia en París).
Palacio Gallien, derradeiro vestixio da época galo-romana.
Porta Cailhau, unha das portas da antiga muralla medieval.
La Grosse Cloche, segunda porta restante da antiga muralla medieval.
Torre Pey Berland.

Educación

Université Bordeaux I

Cidades irmás e socias

Cidades irmás

Cidades socias

San Petersburgo (1992)
Cracovia (1993)

Notas

↑ Definicións no Dicionario da Real Academia Galega e no Portal das Palabras para bordelés.
↑ Bordelés en Digalego.

Véxase tamén

Ligazóns externas

[1] Definicións no Dicionario da Real Academia Galega e no Portal das Palabras para bordelés.

[2] Bordelés en Digalego.

[1]

[2]

@@ Liña 33: / Liña 33: @@
 |sitio web = [http://www.bordeaux.fr/ Páxina oficial de Bordeos]
 }}
-'''Bordeos'''<ref>{{DRAG|bordelés}}</ref> (en [[lingua occitana|occitano]]: ''Bordèu''; en [[Lingua francesa|francés]]: '''Bordeaux''') é unha cidade do suroeste de [[Francia]], capital da rexión de [[Aquitania]] e do departamento da [[Xironda]]. Está cruzada polo [[río Garona]]. O seu [[xentilicio]] en [[lingua galega]] é bordelés/-esa, e burdigalense/-a.<ref>[http://entrada.digalego.com/dicionario_xunta/html/index.php?op=ver&id=10132&opcion=entrada2 Bordelés] en Digalego.</ref>
+'''Bordeos'''<ref>{{DRAG|bordelés}}</ref> (en {{lang-oc|Bordèu}}; en {{lang-fr|Bordeaux}}) é unha cidade do suroeste de [[Francia]], capital da rexión de [[Aquitania]] e do departamento da [[Xironda]]. Está cruzada polo [[río Garona]]. O seu [[xentilicio]] en [[lingua galega]] é bordelés/-esa, e burdigalense/-a.<ref>[http://entrada.digalego.com/dicionario_xunta/html/index.php?op=ver&id=10132&opcion=entrada2 Bordelés] en Digalego.</ref>
 É un [[Porto (comunicacións)|porto]] accesible para os barcos de altura. Pero os máis atracan augas abaixo do [[Gironde]], principalmente en [[Verdon]]. Posúe a derradeira ponte da embocadura do Gironda, a ponte de Aquitania. Máis alá, o [[Río Garona|Garona]], e despois o Gironde, non son franqueables máis que por algúns barcos.