Lorena

Para outras páxinas con títulos homónimos véxase: Lorena (homónimos).

Modelo:Primeira entidade subestatal A Lorena (en francés e en lorenés: Lorraine, en alemán: Lothringen) é unha rexión de Francia que linda con Alemaña, Bélxica e Luxemburgo.

Administración

O Conseil Régional de Lorraine (goberno rexional) é membro da cooperación interrexional transfronteriza «Saar-Lor-Lux», xunto con Luxemburgo, os estados federados alemáns do Sarre e Renania-Palatinado e a Valonia, en Bélxica.

A sede do Conseil Régional encóntrase en Metz. A rexión está marcada por unha forte rivalidade entre Metz e Nancy.

Cultura

Pola súa posición xeográfica, a Lorena foi un lugar de intercambios culturais privilexiado entre Francia e as culturas xermánicas. Así, numerosas innovacións fixeron a súa entrada na Lorena antes de estenderse polo resto de Francia (música, gastronomía, etc.). O esplendor cultural lorenés empezou no Renacemento, antes de ser o berce de movementos culturais orixinais, entre os cales o máis famoso seguramente é o Art Nouveau, levado a Francia pola Escola de Nancy.