Monte da Guía: Diferenzas entre revisións
m engado a Categoría:Natureza en Vigo mediante HotCat |
hom. |
||
Liña 1: | Liña 1: | ||
{{Outroshomónimos|A Guía}} |
|||
[[Ficheiro:El monte da Guía desde O Castro. Vigo.jpg|miniatura|250px|O Monte da Guía dende o Monte do Castro.]] |
[[Ficheiro:El monte da Guía desde O Castro. Vigo.jpg|miniatura|250px|O Monte da Guía dende o Monte do Castro.]] |
||
[[Ficheiro:Vigo-Ermida da Guía.jpg|miniatura|250px|Ermida da Nosa Señora da Guía, no cumio do monte.]] |
[[Ficheiro:Vigo-Ermida da Guía.jpg|miniatura|250px|Ermida da Nosa Señora da Guía, no cumio do monte.]] |
Revisión como estaba o 21 de setembro de 2014 ás 18:30
O Monte da Guía é unha elevación situada na parroquia de Teis, no concello de Vigo, a uns 100 metros sobre o nivel do mar, a carón da ría de Vigo. É un dos parques maiores da cidade.
Está coroada por unha pequena ermida erixida en honra da Nosa Señora das Neves: Nosa Señora da Guía, obra do arquitecto Manuel Gómez Román.
Ata o ano 2000 estivo situada na súa ladeira máis protexida, cara ao mar, a Escola de Transmisións da Armada, localización militar que tivo importante relevancia na Segunda Guerra Mundial, ó ser usada como lugar de aprovisionamento por submarinos alemáns, o que se evidencia nalgunha película bélica. Naquela época fíxose un túnel baixo o monte para que o tren chegase ás instalacións militares para levar provisións. Tempo despois, ó ser innecesario o transporte ferroviario, o túnel foi usado como almacén militar.
Desde o alto do promontorio hai unha vista bastante completa da cidade de Vigo, así como da ría, das illas Cíes, e da cara sur da península do Morrazo e da ponte de Rande.
Na súa aba, hai pequenas praias como a da Lagoa ou a da Punta, e un paseo a través dunha senda botánica sinalada. Conta cunha carballeira e distintas especies ornamentais de interese, nas que destacan ademais dos carballos, os piñeiros.
Antigamente, as mulleres dos pescadores subían a este monte para facer fogueiras e así poder orientar os seus maridos de regreso ao peirao.
Para poder acceder ao monte da Guía, é recomendable ir en coche ou en autobús urbano (liña 17).