Cestodos

Cestodos
Escòlex de Hymenolepis microstoma
Clasificación científica
Reino: Animalia Subreino: Eumetazoa Superfilo: Platyzoa Filo: Platyhelminthes Clase: Cestoda
Subclases e Ordes
Subclase Cestodaria: Amphilinidea Gyrocotylidea Subclase Eucestoda: Aporidea Caryophyllidea Cyclophyllidea Diphyllidea Lecanicephalidea Litobothridea Nippotaeniidea Proteocephalidea Pseudophyllidea Spathebothriidea Tetraphyllidea Trypanorhyncha

Os Cestodos (Cestoda) son unha clase de vermes planos con simetría bilateral pertencentes ao filo dos platihelmintos e que ten como principal característica o feito de ser parasitos internos de vertebrados formados por numerosos segmentos chamados proglotes ou proglótides. Os adultos carecen de epiderme e cilios externos e teñen o corpo recuberto dunha cutícula.

Teñen uns órganos de fixación en forma de garfo ou ventosa que se atopan na rexión anterior do corpo chamada escólex. Este continúa cun colo do que sae o estróbilo que é onde están as proglotes, que nos últimos segmentos poden estar cargadas de ovos.

Non teñen sistema circulatorio nin dixestivo. Aliméntanse por absorción directa de materiais que se atopan non intestino dos vertebrados que parasitan.

Son hermafroditas, presentando ciclos vitais complexos con varios hóspedes. As formas larvais chámanse cisticercos, cenuros ou hidátidas.

Hai descritas unhas 5.000 especies. É moi coñecido un xénero de cestodos chamado Taenia (tenia) que causa unha enfermidade parasitaria nos humanos chamada teníase, producida unicamente por dúas especies Taenia saginata e Taenia solium.

Véxase tamén

Ligazóns externas

• Arigo de ADW sobre os cestodos
• PDF coa clasificación dos cestodos