Tonsila

No campo da anatomía, unha amígdala é un órgano con forma de améndoa (en latín é o que significa, amendoíña). Denóminase amígdala a calquera órgano constituído por un retículo de tecido linfático e epitelial, que contén folículos linfáticos. As amígdalas son tecido linfoide situado na farinxe e que constitúen o Anel de Waldeyer. Segundo a localización en que se atopen na farinxe, chámanse:

• Amígdala farínxea, situada no teito ou bóveda da farinxe. Nos nenos adoitan estar hipertrofiadas e chámanse adenoides. Cando provocan insufiencia respiratoria nasal e deformación facial (vexetacións) adoitan extirparse.
• Amígdala tubárica: Tamén se chama amígdala de Luschka ou de Gerlach e rodean o extremo farínxeo da Trompa de Eustaquio.
• Amígdala palatina. Tamén se chama tonsila. Está situada a ambos lados do istmo das fauces, na entrada da orofaringe, entre os peares do veo do padal. Son as típicas anxinas que cando se inflaman e infectan denomínanse amigdalite.
• Amígdala lingual. É o conxunto de tecido linfoide máis voluminoso da farinxe e está situado na base da lingua.