Foz

Para outras páxinas con títulos homónimos véxase: Foz (homónimos).

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---

Foz
Vista de Foz.
Situación
Xentilicio	focego - focense
Xeografía
Provincia	Provincia de Lugo
Comarca	Comarca da Mariña Central
Poboación	9.990 hab. (2010)
Área	100,3 km²
Densidade	99,6 hab./km²
Entidades de poboación	9 parroquias
Política (2011)
Alcalde	Javier Jorge Castiñeira (PP)
Concelleiros	BNG: 1 PPdeG: 5 PSdeG-PSOE: 4 Outros: UNIFOZ 3
Eleccións municipais en Foz
Uso do galego (2001)
Galegofalantes	94,55%
Na rede
http://www.concellodefoz.es
[ editar datos en Wikidata ]

Foz, (do latín vulgar focem, que en latín literario era faucem, "gorxa, paso estreito, fauces"; un lugar por onde un río desemboca no mar, tamén é un paso estreito entre montañas), é un concello da provincia de Lugo, pertencente á comarca da Mariña Central, sendo a súa cidade máis poboada. Segundo o IGE no 2010 tiña 9.990 habitantes (9.754 no 2006, 9.664 no 2005, 9.619 no 2004, 9.591 no 2003). O seu xentilicio é (véxase no Galizionario) «focego» ou «focense».

Xeografía

Limita cos concellos de Burela, Barreiros Lourenzá, Mondoñedo, Valadouro, Alfoz e Cervo. Está situado na foz do río Masma, de onde lle vén o topónimo.

Na súa costa hai diversos areais, como a praia da Rapadoira, Llas, Peizás, Pampillosa, Arealonga, As Pólas, Os Xuncos e Areoura, todas elas Bandeira Azul da UE. Outras praias do concello son Fondás e a dos Alemáns.

Historia

Existen restos da cultura castrexa nos castros de Fazouro e Pena do Altar. A zona estaba poboada polos ártabros.

Durante o século IX a zona viviu un pulo por mor do establecemento da sé episcopal en San Martiño de Mondoñedo.

Nos inicios da Idade Moderna Foz contaba cun importante peirao e cun dos tres estaleiros máis importantes de Galicia, dedicado especialmente á construción de embarcacións para a captura de baleas.

Patrimonio

Vista dos absidiolos semicirculares e contrafortes de San Martiño.

A Basílica de San Martiño de Mondoñedo é un templo de orixe prerrománica, sé durante moitos anos do bispado de Mondoñedo, e que se atopa en bo estado de conservación.

O castro de Fazouro é un poboado castrexo do século II a. C., situado á beira do mar, xunto a Arealonga.

O pazo do Conde de Fontao, en Santa Cilla.

Festas de interese

Amais da feira celebrada os martes, destacan as festas da Virxe do Carme (16 de xullo, patroa dos mariñeiros) e de San Lourenzo (10 de agosto). O sábado anterior ao luns de Pentecostés celébrase a romaría do Santo.

Poboación

Censo Total	9.978
Menores de 15 anos	1.169 (11.71%)
Entre 15 e 64 anos	6.522 (65.36%)
Maiores de 65 anos	2.287 (22.92%)

Fonte: INE Archivo

Evolución da poboación de Foz   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
6.514	7.824	8.216	8.795	9.619
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Economía

Foz é unha vila de tradición mariñeira. A fertilidade da comarca permite a existencia de diversas explotacións gandeiras e forestais. Na actualidade unha das principais actividades económicas é o turismo, debido á calidade das diversas praias que hai ao longo da costa.

A continuación se mostra unha táboa onde se reflicte o paro rexistrado segundo sexo, idade e sector da actividade económica.

Paro rexistrado

Sector económico	Nº total	Nº homes	Nº mulleres
Agricultura	35	-	-
Industria	62	-	-
Construción	115	-	-
Servizos	474	-	-
Sen emprego anterior	47	-	-
Total	733	349	384
Fonte:SEPE Marzo 2014

Foz na cultura popular

Pra facer ben a costeira,

mariñeiriños rinlegos,

pra botar contas, no porto,

mariñeiriños focegos.

Galería de imaxes

Artigo principal: Galería de imaxes de Foz.

• 
  Rúa peonil e praza no centro de Foz.
• 
  Rúa comercial no centro da vila.
• 
  Castro de Fazouro
• 
  Basílica de San Martiño de Mondoñedo
• 
  Ábsida románica exterior San Martiño
• 
  Interior de San Martiño

Lugares de Foz

Para unha lista completa de todos os lugares do concello de Foz vexa: Lugares de Foz.