Xabier P. DoCampo

Francisco Xabier Puente Docampo, coñecido popularmente como Xabier P. DoCampo, nado en Rábade o 5 de abril de 1946, é un mestre, escritor, contacontos, actor de teatro, guionista e promotor da lingua e a cultura galega, ademais de animador á lectura e experto en bibliotecas escolares.

Traxectoria

Traballou como mestre en varios colexios e durante oito anos en Preescolar na Casa. Sempre relacionado cos movementos de renovación pedagóxica, pertenceu ao Consello de Redacción da Revista Galega de Educación. Deu cursos a profesores e lin ponencias en congresos sobre a didáctica da lingua e a literatura, sobre a lectura e a súa implantación escolar e social, sobre a narración oral, a súa estrutura, a súa influencia na literatura escrita e a súa utilización didáctica, tanto en Galicia coma fóra. Escribiu libros de texto para a escola e textos de ensaio didáctico e pedagóxico. Foi tamén actor e director de teatro e colaborou durante sete anos en Radio Nacional de España en Galicia como guionista e como director de programas de diverso tipo e formato.

Trátase dun dos grandes renovadores da literatura infantil-xuvenil galega.

En 1995 obtivo o Premio Nacional de literatura infantil e xuvenil por Cando petan na porta pela noite, seleccionada así mesmo como unha das cen mellores obras do século XX español, segundo a Fundación Germán Sánchez Ruipérez.

A súa tarefa pedagóxica intégrase na chamada Nova Escola Galega.

Participou activamente na creación de "Gálix" (Asociación Galega do Libro Infantil e Xuvenil), de cuxa Xunta directiva formou parte durante cinco anos, dous deles como presidente. Tamén pertenceu ó Consello de Redacción da Revista Galega de Educación.

Colaborou semanalmente no programa da Radio Galega Un día por diante cun comentario literario.

Obras

Literatura infanto-xuvenil

• O misterio das badaladas (1986, Vía Láctea).
• Cun ollo aberto e outro sen cerrar (1986, Vía Láctea).
• A chave das noces (1988, Vía Láctea).
• O armario novo de Rubén (1989, Xerais).
• A nena de auga e o príncipe de lume (1990, Xerais).
• A casa do porco bravo (1991, Xerais).
• Roxelio e a couza (1991).
• O país durminte (1993, Xerais).
• Cando petan na porta pola noite (1994, Xerais).
• Adelaida, Henrique e demais familia (1996, Galaxia).
• O habanero (1997).
• O pazo baleiro (1997, Xerais).
• Breogán (1998, A Nosa Terra).
• ¡Estampado! (1998, Xunta de Galicia).
• O home que inventou unha maneira de andar (1998, Galaxia).
• A viaxe de Purpurina ou a historia dunha pinga de auga (1999, Xunta de Galicia).
• Catro cartas (2000, Anaya).
• Nube de neve (2000, Everest).
• Os ollos de Ramón (2001, Everest).
• Un conto de tres noites (2001, Xerais).
• ¿Víchela, víchela? (2001, Casals).
• A casa da luz (2002, Xerais).
• Bolboretas (2004, Everest).
• De cores e de amores (2005, Galaxia).
• A decisión de Valerio (2005, Xerais).
• A noite das filantes (2009, Galaxia).
• Mans (2011, Everest).
• A nena de auga e o príncipe de lume (2012, Xerais).
• O país adormentado (2012, Xerais).
• A illa de todas as illas (2013, Xerais).

Narrativa

• O libro das viaxes imaxinarias (2008, Xerais).

Ensaio

• Falar e escoitar (1992, Xerais).

Obras colectivas

• Os contos da campaña (3) (1992, Xunta de Galicia).
• Trazos, trozos e retrincos (1992, Xunta de Galicia).
• Construír a paz (1996, Xerais).
• Unha liña no ceo (58 narradores galegos 1979-1996) (1996, Xerais).
• Novo do trinque (1997, BNG).
• Imos xuntos camiñar (1999, Xunta de Galicia).
• Novos exercicios de estilo (2000, Universidade da Coruña).
• Contos de ler e contar (2001, Xunta de Galicia).
• Historias para calquera lugar (2001, Xerais).
• Manuel María (2001, Ophiusa).
• Contos do museo (2003, Deputación de Lugo).
• Narradio. 56 historias no ar (2003, Xerais).
• Contos de máscaras, rúas, perdicións e caníbales (2004, Xunta de Galicia).
• Educación e Paz III. Literatura galega pola Paz (2008, Xerais).
• 55 mentiras sobre a lingua galega (2009), Laiovento).
• Marcos Valcárcel. O valor da xenerosidade (2009, Difusora).
• Cociñando ao pé da letra (2011, Galaxia). Colaboración con varios autores sobre poesía e cociña.

Premios

• Premio Feira do Libro da Coruña, 1989, polo conxunto da súa obra narrativa.
• Premio Emilia Pardo Bazán do Ministerio de Educación.
• Premio Rañolas 1994 á mellor obra de Literatura Infantil e Xuvenil en Galicia.
• Premio Nacional de Literatura Infantil e Xuvenil en 1995, por Cando petan na porta pola noite.
• Honourl List IBBY 1996.
• The White Ravens 1997 da Jugendbibliothek de Munich.
• Premio Lecturas da Asociación do Libro Infantil e Xuvenil de Galicia (GALIX) de 2004.
• The White Ravens 2005 da Jugendbibliotethet de Munich, por Bolboretas.
• Premio Isaac Díaz Pardo ao Libro Ilustrado no 2008, por O libro das viaxes imaxinarias.
• Premio da Asociación de Escritores en Lingua Galega de Infantil-Xuvenil no 2008, por O libro das viaxes imaxinarias.
• Premio Fervenzas Literarias ao Mellor Libro Xuvenil no 2008, por O libro das viaxes imaxinarias.

Véxase tamén

Ligazóns externas

• Blog oficial do autor
• Ficha do autor na AELG
• Páxina do autor en FILIX
• Entrevista de Literatura Galega do S.XX do alumnado do IES Manuel García Barros