Conversa:Respiración celular

Fusión

Vin a mensaxe propoñendo a fusión de respiración celular e aerobiose. Eu creo que o máis lóxico é fusionar aerobiose e organismo aeróbico. A respiración celular non sempre é aeróbica, xa que tamén existe a respiración anaeróbica, aínda que sexa menos importante cuantitativamente na natureza. Na páxina de aerobiose fálase dos distintos tipos de metabolismos en relación co uso de osíxeno e distínguense os organismos aerobios, anaerobios, obrigados e facultativos. Un organismo anaerobio pode ser só fermentador e, por tanto, non facer a respiración.Miguelferig (conversa) 11 de novembro de 2013 ás 09:18 (UTC)

Paréceme boa idea. Acabo de cambialo segundo a túa proposta. Un saúdo. --Canyq (conversa) 29 de novembro de 2013 ás 23:09 (UTC)

Problema cunha imaxe

Traducín ao galego e engadín modificacións (na descarboxilación do piruvato) a primeira imaxe da páxina, e tiven que facer tres versións porque tiña algúns fallos gráficos e non consigo que saia a última das modificacións (sae a primeira cos fallos, e os textos non caben nos seus lugares, pero no ficheiro de inkskape estaban ben e seguen estando, como se pode comprobar abríndoo). Parece que o problema é ao subir a imaxe á páxina. Alguén sabe como hai que facer?--Miguelferig (conversa) 11 de novembro de 2013 ás 22:53 (UTC)

Eu vexo que a que sae é a terceira. Ás veces, para que se amose un cambio hai que purga-la páxina. Eso pódese facer dándolle a "Editar" e logo "Gardar a páxina" sen facer ningún cambio. Un saúdo. --Canyq (conversa) 29 de novembro de 2013 ás 23:12 (UTC)

Eu ao que me refería é que as palabras dentro da imaxe son máis grandes do que deberían e non caben nos seus lugares na imaxe. Por exemplo, na 1ª imaxe a palabra "piruvato" non cabe dentro do cadradiño azul e queda por riba das outras cousas escritas no cadro. Iso non ocorre coa versión aberta en Inkscape que eu fixen (todo estaba axustado), pero si cando se coloca a imaxe na galipedia. A terceira imaxe da que ti falas, penso que ten todo axustado, e ademais é un bitmap; é máis grande que as outras porque a puxen eu así para que se vexa mellor. É parecida á primeira, pero máis esquemática e con menos detalles, centrándose nos produtos que saen e entran (coencimas, CO₂, ATP, fases...), polo que penso que é didáctica.--Miguelferig (conversa) 30 de novembro de 2013 ás 10:46 (UTC)

Perdon pola tardanza en contestar, penso que, tratándose dunha imaxe svg, o feito de que o texto estea ben ou mal axustado depende do tamaño co que se amosa a imaxe. Por exemplo, aquí os textos nos cadros negros da dereita amosanseme solapados coas "C" de (C4, C5 e C6), mentres que aquí, a mesma imaxe amosada a un tamaño maior non ten ese problema. Saúdos. --Canyq (conversa) 27 de decembro de 2013 ás 23:38 (UTC)

Grazas pola contestación, pero creo que non entendín ben. A min xa se me mostraba todo ben na imaxe que eu preparei. Onde non se ve ben é ao subila á galipedia. Tampouco a podo poñer máis grande na galipedia porque xa ten un tamaño de 400px, e máis xa sería excesivo (probei a 450px e o problema persiste). Igual é porque en svg non é o mesmo un texto que unha curva, e igual hai que pasar todos os textos a curva (pero despois xa non se van poder modificar facilmente se fose necesario). Vou probar mañá facendo así a ver que pasa.--Miguelferig (conversa) 28 de decembro de 2013 ás 00:46 (UTC)

Ao que me refería era a que no segundo vínculo que puxen antes, a imaxe amósase correctamente, alomenos a min, mentres que no primeiro a mesma imaxe ten problemas de solapamento de texto. Por iso plantexaba se o problema podería estar no tamaño co que a imaxe se amosa. De todos modos non son un experto neste tema da subida e edición das imaxes e só trataba de dar algunha idea, ademais que creo recordar que a Wikipedia en galego tiña algunhas particularidades neste asunto do manexo das imaxes como un espazo de imaxes propio adicionalmente a Commons, de forma semellante ao que se fai na Wikipedia en inglés. Non sei se a cousa segue así ou houbo algunha clase de unificación... Moitas grazas polo teu esforzo. Un saudo. --Canyq (conversa) 28 de decembro de 2013 ás 04:15 (UTC)