Redondela: Diferenzas entre revisións
→Xeografía: concello de redondela |
|||
Liña 57: | Liña 57: | ||
{| {{Táboabonita}} |
{| {{Táboabonita}} |
||
|- valign="TOP" |
|- valign="TOP" |
||
|+Concello de Redondela |
|||
| colspan="1" align="center" | [[Ficheiro:Redondela-xeral.jpg|450px]] |
| colspan="1" align="center" | [[Ficheiro:Redondela-xeral.jpg|450px]] |
||
{| class="wikitable collapsible collapsed" colspan="3" |
{| class="wikitable collapsible collapsed" colspan="3" |
Revisión como estaba o 17 de agosto de 2013 ás 00:24
Coordenadas: 42°17′0″N 8°37′0″O / 42.28333, -8.61667
Atención: Este artigo ou apartado precisa dun traballo de revisión.
Cando os problemas se resolvan, retire esta mensaxe, pero non quite esta mensaxe ata que estea todo solucionado. De ser posible, sería mellor substituír este marcador por outro máis específico. (Desde xuño de 2008) |
Redondela | |
---|---|
Cesantes, de noite | |
Situación | |
Xentilicio[1] | redondelán |
Xeografía | |
Provincia | Provincia de Pontevedra |
Comarca | Comarca de Vigo |
Poboación | 30.067 hab. (2010)[2][3] |
Área | 52,1 km²[3] |
Densidade | 577,1 hab./km² |
Entidades de poboación | 13 parroquias[4] |
Capital do concello | Redondela |
Política (2011) | |
Alcalde | Javier Bas (PP) |
Concelleiros | BNG: 2 PPdeG: 10 PSdeG-PSOE: 8 Outros: 1 |
Eleccións municipais en Redondela | |
Uso do galego[5] (2004) | |
Galegofalantes | 95,65% |
Na rede | |
www.redondela.es | |
[ editar datos en Wikidata ] |
Redondela é un concello da provincia de Pontevedra, pertencente á comarca de Vigo. Segundo o IGE, en 2010 tiña 30.067 habitantes.
Xeografía
O concello de Redondela (con titularidade de Vila) está emprazado no suroeste de Galiza, na marxe esquerda da ría de Vigo, xusto diante da enseada de San Simón, onde se atopa o arquipélago homónimo e desemboca o río Alvedosa, ao que se xunta o Maceiras no centro da vila e o Pexegueiro case na súa desembocadura.
A súa superficie é de 52,1 km², e limita polo norte con Soutomaior, polo leste con Pazos de Borbén, polo sur con Mos e con Vigo e polo oeste coa ría de Vigo, estando dividido en trece parroquias, dúas delas conformando o centro administrativo:
|
Clima
O clima da vila é o característico das Rías Baixas, con veráns calorosos, pero non en exceso, e invernos chuviosos. A continuación, expóñense os datos meteorolóxicos da estación do monte do Viso (260 msnm) no ano 2009[6]:
2009 | xan | feb | mar | abr | mai | xuñ | xul | ago | set | out | nov | dec |
---|---|---|---|---|---|---|---|---|---|---|---|---|
Temperatura media (°C) |
7,9 | 9,3 | 13,0 | 10,6 | 15,6 | 17,9 | 17,5 | 20,1 | 19,5 | 17,1 | 11,9 | 9,0 |
Precipitacións (l/m²) | 259,1 | 61,1 | 32,0 | 74,1 | 60,5 | 135,3 | 36,9 | 13,2 | 12,0 | 266,5 | 230,0 | 194,1 |
Historia
Achados arqueolóxicos amosan presencia humana desde o 3000 a.c. encadrados na denominada cultura megalítica.
Os castros de "Monte do Castro" e "castro da Peneda" xunto a achados arqueolóxicos como ferramentas e petróglifos testemuñan tamén un importante asentamento na zona durante a cultura castrexa. Pénsase que a fundación como pobo foi na época grega pero non existen probas concluíntes polo que na actualidade isto unicamente é una hipótese.
O Imperio Romano deixou constancia da súa presenza na zona co miliarios do "Marco", na parroquia de Vilar da Infersta, e cos restos do miliario de Socalco da Veigadela en Saxamonde, adicado ó emperador Adriano.
Na idade media e co cristianismo a vila volveu a revitalizarse grazas á construción da Catedral de Santiago e o establecemento do Camiño Portugués de Santiago que atravesa a localidade.
As illas de San Antón e San Simón foron utilizadas como lugar de acollida de diferentes ordes relixiosas como os beneditinos, os franciscanos e os templarios. Desde 1830 até o 1927 as illas foron utilizadas como leproserías. Desde a guerra civil até 1943 as illas serviron de campo de concentración e exterminio para as persoas contrarias ó réxime franquista. Dende entón estiveron en estado de semiabandono até 1999 ano no que foron declaradas Ben de Interese Cultural.
A situación da ría, no Océano Atlántico e coa cobertura da Ría de Vigo e das illas Cíes, era aproveitada pola Coroa de Castela para desembarcar o ouro procedente das colonias de América. No ano 1702 produciuse a Batalla de Rande entre a escuadra castelá e unha escuadra anglo-holandesa da que saíron vencedores os segundos. Segundo conta a lenda, durante a batalla afundiuse un galeón español cargado de ouro que aínda segue no fondo da ría.
Durante a hexemonía de Napoleón Bonaparte, os pobos da ría de Vigo, incluído Redondela, foron invadidos pola armada francesa. No ano 1809 a flota franca asediou a vila dende o mar como represalia pola axuda prestada polos redondeláns á vila veciña de Tui durante un ataque francés. No século XIX, no auxe da industria ferroviaria, na vila construíronse os dous viadutos que a atravesan. A imaxe que ofreceu o pobo coas dúas vías no seu ceo converteuse na súa marca de distinción e hoxe en día ámbolos dous viadutos son patrimonio da cidade, dos cales un nin sequera está en funcionamento, pero se conserva polo seu valor monumentístico. Dende entón coñécese a Redondela co alcume da "vila dos viadutos".
Na actualidade a vila está en pleno auxe demográfico en gran medida alimentado pola proximidade con Vigo e o efecto de cidade satélite queimplica .
Demografía
No ano(2008), o termo municipal era o cuarto da provincia e o duodécimo de Galiza en poboación, superando así os trinta mil habitantes.
Censo Total (Habitantes) | 30.015 |
Menores de 15 anos | 4.195 (13,98 %) |
Entre 15 e 64 anos | 20.412 (68 %) |
Maiores de 65 anos | 5.408 (18,02 %) |
Ano | 2000 | 2001 | 2002 | 2003 | 2004 | 2005 | 2006 | 2007 | 2008 | 2010 |
---|---|---|---|---|---|---|---|---|---|---|
Habitantes | 29108 | 29090 | 29045 | 29415 | 29732 | 29863 | 30029 | 29987 | 30036 | 30067 |
A parroquia máis populosa sempre foi a de Redondela, que lle da nome ó municipio, pero nos últimos anos e, axudada pola proximidade con Vigo e o empuxe da industria pesqueira (con Pescanova á cabeza), a parroquia de Chapela medrou ata o punto de ser na actualidade a máis poboada das 13 que conforman a localidade.
Velaquí unha táboa coa evolución de poboación das parroquias entre os anos 1887 e 1960:
Cabeiro | Cedeira | Cesantes | Chapela | Negros | Quintela | Reboreda | Redondela | Saxamonde | Trasmañó | Ventosela | Vilar | O Viso | |
---|---|---|---|---|---|---|---|---|---|---|---|---|---|
1887 | 437 | 1202 | 1217 | 1362 | 458 | 325 | 1166 | 3046 | 576 | 588 | 410 | 350 | 1103 |
1900 | 463 | 1056 | 1175 | 1242 | 418 | 296 | 1062 | 2893 | 503 | 569 | 387 | 392 | 1032 |
1910 | 494 | 1170 | 1391 | 1464 | 493 | 332 | 852 | 3362 | 582 | 679 | 413 | 464 | 1200 |
1920 | 530 | 1401 | 1493 | 2011 | 432 | 429 | 1195 | 3166 | 594 | 805 | 410 | 566 | 1196 |
1930 | 623 | 1813 | 1855 | 2081 | 557 | 446 | 1286 | 3296 | 720 | 880 | 509 | 683 | 1275 |
1940 | 694 | 1729 | 2114 | 2884 | 560 | 566 | 1492 | 3363 | 715 | 1097 | 557 | 761 | 1281 |
1950 | 535 | 1704 | 2061 | 2666 | 626 | 560 | 1569 | 3261 | 736 | 1101 | 542 | 830 | 1395 |
1960 | 528 | 1792 | 2258 | 3081 | 531 | 565 | 1669 | 2897 | 709 | 935 | 467 | 793 | 1324 |
Goberno e política
- Artigo principal: Eleccións municipais en Redondela.
Redondela caracterízase por ter un amplo pluripartidismo. Na actualidade goberna o Partido Popular da man de Javier Bas, malia que históricamente foi o PSdeG quen gobernou. Até as eleccións de 2011, Redondela era gobernada por Xaime Rei, na súa derradeira lexislatura xa en coalición co BNG. No 2011, o PPdG alcanzou os 10 deputados e Xabier Bas fíxose coa alcaldía. O PG, cuxo líder foi o anterior dirixente do partido Redondeláns Adiante, quedou sen representación. Porén, a Asociación de Electores de Redondela, AER, alcanzou apoio dabondo como para obter un edil.
|
|
Lugares de interese
Os viadutos
Artigos principais: Viaduto de Pontevedra e Viaduto de Madrid.
A marca característica da vila é o seu ceo presidido por dous grandes viadutos ferroviarios construídos no século XIX: O viaduto de Madrid e o viaduto de Pontevedra. Dende 1978 ámbolos dous están considerados como Ben de Interese Cultural na categoría de monumento. Debido a estas infraestruturas Redondela é coñecida baixo o alcume de "Vila dos viadutos".
O máis antigo é o viaduto de Madrid. A súa construción combinou a técnica vangardista do ferro e a tradicional cantaría dando como resultado un ponte de ferro sostido por piares de pedra, e foi construído pola empresa francesa Compagnie des Fives Lilles. Rematouse en 1876 conta con 411 metros de lonxitude incluídos os estremos de acceso. A primeira locomotora cruzou o viaduto o 30 de xuño de 1876. Cóntase en Redondela que Pedro Floriani, un dos contratistas ou subcontratistas do viaduto tentou suicidarse arroxándose dende el porque non lle pagaron o seu traballo baixo a desculpa de que nunca entraría en servizo porque estaba mal feito. Malferido conseguiu sobrevivir o suficiente como para ver pasar a primeira locomotora. O viaduto deixou de prestar servizo en 1971.
O Viaduto de Pontevedra, inaugurouse o 30 de xuño de 1884, pola necesidade de comunicar a liña Ourense-Vigo con Pontevedra. A diferencia do viaduto de Madrid, o a estrutura está soportada por piares metálicos. Aínda está en servizo.
Igrexas
O concello de Redondela posúe polo menos unha igrexa por parroquia coas características peculiares e os elementos patrimoniais que conteñen cada unha destas. De todas formas é necesario destacar a importancia da igrexa parroquial de Santiago de Redondela e da igrexa barroca de Cedeira.
- Igrexa de Santiago de Redondela: situada no casco antigo, na súa zona máis alta, está situado en pleno camiño de Santiago. Despois de múltiples reconstrucións a igrexa actual está datada no século XVI e é de estilo gótico tardío.
- Igrexa parroquial de Cedeira: no século XVIII procédese a ampliación da ata daquela pequena igrexa parroquial, e contrátase para tal obra ó arquitecto de moda na actualidade, o arquitecto Fernando de Casas e Nóvoa, que nese momento estaba en plena construción da fachada do obradoiro da catedral de Santiago. En Cedeira realiza unha igrexa barroca de cruz latina cunha soa nave distribuída en dous tramos. Chaga ata os nosos días de forma case inalterada.
- Capela de Virxe das Neves: atópase na parroquia do Viso, no alto do Monte da Peneda.
Convento de Vilavella
O Convento de Vilavella está situado na parroquia de Vilavella cerca do centro de Redondela, foi fundado no 1501 e estivo ocupado polas monxas de San Lourenzo Xustiniano. Do seu trazado orixinal consérvase a igrexa de cinco tramos. [9]
Outros elementos relixosos
Unha das características do Concello é a abundancia de elementos patrimoniais de carácter relixioso de gran valor como son os cruceiros e os petos de ánimas. Por todo o concello pódense observar numerosos cruceiros de pedra asociados a ritos relixiosos e sobre eles esténdense numerosos ritos e lendas. Xeralmente están situados en encrucilladas de camiños e en lugares de boa visibilidade.
No concello tamén hai varios petos de ánimas, elementos funerarios de culto aos mortos, xa que antes de ir ó ceo as ánimas deben pasar polo purgatorio. Son monumentos relacionados coa cultura ós mortos existente en Galicia. Moitos de estes petos de ánimas aínda conservan o seu carácter máis relixioso e se lle rende culto. Estes monumentos teñen tres partes fundamentais: o pedestal, o retablo e a cruz.
Ademais no apartado relixioso destacan varios edificios como o Convento de Vilavella, no centro de Redondela ou a Igrexa barroca de Cedeira, na parroquia homónima.
Galería de imaxes de igrexas de Redondela
-
Igrexa de San Martiño de Ventosela, en Ventosela, Redondela.
-
Igrexa de Santo André de Cedeira, de estilo barroco. En Cedeira, Redondela.
-
Igrexa de Cabeiro, en Cabeiro, Redondela.
-
Igrexa de San Fausto de Chapela, en Chapela, de estilo románico.
-
Igrexa de San Mamede de Quintela, en Quintela, Redondela.
-
Igrexa de San Esteban de Negros, en Negros, Redondela.
-
Igrexa parroquial de Reboreda, en Reboreda, Redondela.
-
Igrexa parroquial do Viso, en O Viso, Redondela.
-
Igrexa parroquial de Saxamonde, en Saxamonde, Redondela.
-
Igrexa parroquial de Vilar de Infesta, en Vilar de Infesta, Redondela.
Restos arqueolóxicos
O concello de Redondela caracterízase por ser un dos concellos onde se atopan máis restos arqueolóxicos. Destaca o complexo funerario do Monte Penide, un enorme cemiterio do período neolítico e da idade de bronce, no que se poden encontrar numerosas mámoas e petróglifos, entre os que destaca a Mámoa do Rei.
Tamén se poden encontrar gravados rupestres na parroquia de Ventosela no conxunto da Pedreira, un conxunto de gran relevancia pola abundancia de gravados, o seu tamaño e as escenas ecuestres. É unha das estacións da Ruta das pedras.
No concello de Redondela encontráronse un total de cinco miliarios que, a excepción do de Vilar de Infesta, se encontran no museo de Pontevedra. Os encontrados foron nas parroquias de Cesantes (2), Quintela e Saxamonde. O miliario de Vilar está no límite con Mos e, aínda hoxe en día, mantén o culto froito da cristianización data do Século II. No seu día intentouse trasladar ó Museo de Pontevedra, pero os veciños o impediron.
Rutas de sendeirismo
O concello de Redondela, pola súa situación e características, reúne as condicións propicias para a práctica do sendeirismo e dos deportes como a BTT ou os paseos a cabalo. Polo concello atravesan ata tres sendeiros de gran percorrido, os coñecidos como G.R., ademais doutros dous de carácter local se ben están en proceso de homologación. O máis coñecido é o Sendeiro das Greas, que no tramo do concello de Redondela coincide co Sendeiro Rural de Galicia. G.R. 94. O outro sendeiro de gran percorrido é o Camiño da Franqueira que actualmente está en rehabilitación.
Ademais polo concello pasa o Camiño Portugués a Santiago, que propiamente non se trata dunha ruta sendeirista pero que presenta unhas características similares, á parte de presentar unha gran riqueza patrimonial e arquitectónica. No concello de Redondela tamén hai dúas rutas de carácter local como a coñecida como Senda da Auga, que vai polos tramos utilizados para levar a auga á cidade de Vigo e que se rehabilitou recentemente con fondos europeos e o traballo das Comunidades de Montes de Redondela.Tanto o Camiño de Santiago como esta Ruta da Auga quedarán baixo un Polígono Industrial que auspiciado pola Consellería de Vivenda e co consentimento do Concello de Redondela asolará unha paraxe de alto valor natural, ecolóxico, paisaxístico e social coma é a zona do Chan das Pipas, en contra da oposición da totalidade dos veciños do lugar. Na parroquia de San Martiño está a coñecida como Ruta das Pedras, de singular beleza, que tamén pola incapacidade do Goberno local vai ser destruída pola variante planificada da Autovía A-57, aceptada polos políticos do Concello.
Espazos naturais
Redondela ten múltiples lugares co encanto labrado co paso dos anos. Entre os distintos lugares de interese hai que destacar os seguintes polo seu valor histórico, paisaxístico e medioambiental.
Illa de San Simón
- Artigo principal: Illa de San Simón.
A illa de San Simón está formada pola illa do mesmo nome e a illa de Santo Antón, ambas as dúas unidas por unha ponte. A illa pertence á parroquia redondelá de Cesantes e foi testemuña de excepción da batalla de Rande. San Simón foi un antigo centro monástico saqueado por piratas ingleses e entre outros destinos foi utilizada como leprosería e tamén como campo de concentración durante a guerra civil.
Enseada de San Simón
- Artigo principal: Enseada de San Simón.
A enseada de San Simón está situada na Ría de Vigo, unha das rías pertencentes ás Rías Baixas de Galicia. Está situada cara ao final da Ría de Vigo, comezando no estreito de Rande. Baña os concellos de Redondela, Soutomaior, Vilaboa e Pontevedra. De norte a sur mide 7 quilómetros de longo. Na actualidade inclúese no programa da Rede Natura 2000.
Monte da Peneda
- Artigo principal: Monte da Peneda.
O monte da Peneda é un dos emblemas da Redondela rural, que se atopa na parroquia do Viso, e dende o cal se pode observar a Ría de Vigo dende o seu cumio. Comezou sendo un asentamento castrexo, e proba diso son restos dos muros exteriores que na actualidade se conservan. Pola súa situación estratéxica e xeográfica, xa que se atopa preto do castelo de Soutomaior, o monte pertenceu a Pedro Madruga, famoso por facer fronte ao centralismo dos Reis Católicos. Tamén se construíron varios castelos medievais, posteriormente asolados en diferentes conflitos. Un dos máis coñecidos elementos de este monte é a aínda en pé Ermida da Peneda, construída arredor do século XVIII, e que até o de agora foi escenario de numerosas romarías e festas. Actualmente, ademais da ermida, o cumio do monte conta cun miradoiro dende o cal é posíbel ver os arredores da parroquia e ata as Illas Cíes.
Praias
No concello de Redondela hai dúas praias principais: a praia de Cesantes (na parroquia de Cesantes) e a praia de Arealonga (na parroquia de Chapela). Ademais, nos 15 km de costa do concello de Redondela pódense encontrar algúns pequenos areais máis tranquilos e de difícil acceso que, porén, constitúen lugares máis exóticos.
- Praia de Cesantes: é a máis longa de todo o concello, destacando a zona coñecida como "A Punta da praia", que conta cun paseo marítimo, un parque para nenos, un gran areal e numerosos locais e bares próximos á praia. Tamén conta cun cámping sendo a máis turística de todo o concello. É unha praia situada na Enseada de San Simón e o seu areal esténdese ata case tocar a illa de San Simón. Polas súas particulares características está especialmente indicada para a realización de deportes náuticos, especialmente Windsurf.
- Praia de Arealonga: situada na parroquia de Chapela, posúe un parque para cativos, pero o que destaca de esta praia é o paseo marítimo construído recentemente que permite gozar do paseo á beira do mar. Nesta zona atópanse varios bares e restaurantes especializados en pratos típicos da ría.
- Praia de Cabanas: situada na parroquia de Trasmañó, baixo a Ponte de Rande. É un pequeno areal ao que se accede cruzando as vías do tren. Cando a marea está alta, o areal desaparece para deixar soamente rocas.
Festas
- Artigo principal: Festas de Redondela.
- Redondela en Curto - Festival Nacional de Curtametraxes: Abril.
- Teatrarte - Ciclo Nacional de Teatro: Mediados de febreiro a mediados de abril.
- O Festival Internacional de Títeres de Redondela leva máis de dez edicións.[10] Celébrase a finais de maio ou principios de xuño.
- Festa do choco: Celébrase a primeira ou a segunda fin de semana de maio, por mor do aumento da pesca deste cefalópodo, que alcanza a súa máxima cota no mes de abril. Ademais da tradicional degustación, existe un concurso gastronómico.
- Outras festas gastronómicas: festa da mazá, festa da orella, festa do mexilón.
- Festa da coca: Finais de maio a principios de xuño.
- Festa dos maios: 1 de maio.
- Entroido: Febreiro.
- Entroido de verán: Finais de agosto.
Transporte
Transporte urbano
Autobús: A liña C3, ou Circular 3, do transporte urbano de Vigo VitraSA, comunica a cidade olívica coa parroquia de Chapela dando servizo nas dúas avenidas principais: Avenida de Vigo e Avenida de Redondela, que se comunican no alto da encarnación, que é a vez unha das parada terminais da liña circular.
Bicicleta: Redondela conta cun servizo de aluguer de bicicletas con varias estacións o longo de todo o casco urbano.
Transporte interurbano
Autobús: Estación de bus de Redondela (na parroquia de Chapela, utilízase a parada de Vitrasa do alto da encarnación como apeadeiro).
Tren
- Estación de Redondela
- Estación de Cesantes
- Estación de Redondela-Picota
- Estación de Chapela (av. de Vigo, s/n).
Autoestrada:: A autoestrada de pago AP-9, que une Vigo con Ferrol, atravesa o termo municipal de Redondela, dende a fronteira con Vigo, na parroquia de Chapela ata a ponte de Rande, que cruza a ría. Na Avenida de Redondela, que atravesa Chapela de Arriba, hai unha entrada á autoestrada, e na parroquia de Trasmaño, xusto antes da ponte, hai una saída e unha incorporación.
Estradas nacionais:: O municipio é comunicado mediante dúas estradas: A N-550 (A Coruña - Tui) e a N-552.
Cultura
Medios de comunicación
Redondela ten unha tradición de diferentes xornais que se remonta ao ano 1883. Entre ese ano e a Segunda República Española publicouse un bo número de publicacións, onde esporadicamente a intelectualidade xurdiu dando forma, neste caso escrita, aos diferentes acontecementos político-sociais. De feito foi a República a que no seu conxunto deu un cambio de rumbo cara ós avances sociais apoiando toda clase de medios de comunicación. Destacar que por vez primeira rexístranse xornais escritos en lingua galega.
- El Eco de Redondela (1883): os seus redactores eran Jacinto Mos, Manuel Mos e Juan Otero Milleiro. Administrador: Pedro Otero.
- El Alvedosa (1884): os seus redactores foron Juan José Crespo, Antonio Orellana, Fernando Alfaya Pérez e Ramón Lorenzo.
- La Escoba (1887). Redactor: Antonio Orellana.
- La Voz del Pueblo (1892): redactores: Buenhijo Pérez Sobrino, propietario da primeira imprenta que houbo en Redondela.
- La Propaganda (1894): redactores: Antonio Orellana, Pedro Fontela, Felipe Cordero e Buenhijo Pérez Sobrino. O seu director foi Fernando González.
- El Pueblo (1895): redactores: José da Cal, Antonio Otero, Juan Otero Milleiro, Buenhijo Pérez Sobrino, Serafín Reboredo, Ramón Ancoechea, Fernando González. Administrador: Serafín Rebolledo Blanco.
- La Verdad (1895): redactores: Isidoro Queimaliños e Amador Pérez Sobrino.
- El Progreso (1898).
- La Idea (1902): redactores: Manuel Amoedo Seoane, Juan Amoedo Seoane, Manuel Cacheiro, Claudio Contreras, Juan Otero Milleiro, Antonio Garrido. Director: Buenhijo Pérez Sobrino.
- El Contribuyente (1902): redactores: Juan Otero Milleiro, Antonio Garrido. Director: Alejo Red Soto.
- Gente Nueva (1906): redactores: Antonio Orellana e Telmo Bernárdez.
- La Opinión (1909): redactores: Juan Amoedo, Antonio Orellana, Telmo Bernárdez, Claudio Contreras. Director: Heliodoro Rivas.
- La Cigarra (1912): revista literaria.
- Pimienta y Mostaza (¿1915?): dirixido por Fernando González.
- Ecos Del Distrito (¿1917?): foi o sucesor de Pimienta y Mostaza, co mesmo director
- La Razón (1918)
- Tramancos (1923): redactores: Rogelio Rivero, Mario Canda e outros que asinaban con pseudónimo, como "Mexete", "Ante-eo", "Xan dos Zocos", "O Demo d`os Tras", "Choco", "Cantiño". Director: Amador Pérez Sousa.
- El Soplete (1931): redactores: Generoso Muiños Blanco, Antonio Criado, Luís Míguez Extemadouro, Antonio Extremadouro. Director: Amador Pérez Sousa. Este xornal xurde combinando galego e castelán. Vincúlase presuntamente ó Partido Radical. O seu carácter é particularmente político, deixa notar unha postura de apoio incondicional á República, pero tamén denota certa crítica desta. Redáctanse artigos a prlo do estatuto galego, apoiando a autonomía de Galiza.
- Terra!: Era o voceiro do Grupo Galeguista de Redondela. O primeiro número saíu o 16 de abril de 1933, publicándose os primeiros e terceiros domingos de mes. O seu presidente era Francisco Pereira Fernández e tiña como colaboradores a Xosé Mª Blanco Alfaya e Avelino Cal, que tamén era director. Foi a única publicación, realizada en Redondela, escrita integramente en galego, contendo algúns artigos e noticias redactados por personaxes da talla de Castelao ou Paz Andrade. Custaba 25 céntimos ó mes. Tiña catro páxinas e cinco columnas.
- Radio Redondela
- Redondela TV
Antes da sublevación militar fascista xa se deixara de publicar periódicos en Redondela.
Deporte
Deportivamente a vila de Redondela colleitou éxitos en modalides deportivas tales como fútbol, balonmán, natación, fútbol sala, wáter-polo ou remo.
Fútbol
- Club Deportivo Choco: Milita no grupo Preferente Sur da rexional galega.
- EFB Redondela: Escola de Fútbol dedicada únicamente ó fútbol base. Fundada o 19 de xuño de 2008.
Balonmán
- Sociedade Atlética Redondela (SAR): Militou na División de Honor B de balonmán. Actualmente milita na Primeira División Nacional.
- Club Balonmano Chapela: Club histórico que participou varias temporadas na Liga Asobal. Actualmente milita na Primeira División Nacional.
Fútbol sala
- Redondela FS: Participa na rexional galega.
Waterpolo
- Club Waterpolo Redondela: Participou varios anos na primeira división galega de wáter-polo. Actualmente so conta con categorías inferiores.
Remo
- Club Remo Chapela: É o club de remo máis importante da comarca, participando na Liga do Noroeste de remo.
- Club Remo Cesantes
- Club Remo San Simón
Tenis de mesa
Galería de imaxes
- Artigo principal: Galería de imaxes de Redondela.
Commons ten máis contidos multimedia sobre: Redondela |
-
Vía do tren en Redondela.
-
Ponte de Redondela.
-
As penlas coas burras.
-
Chapela dende o pinar do crego.
-
Enseada de San Simón dende Cesantes.
-
Monólito na honra dos mariñeiros falecidos no Bahía, na praia.
-
Embarcadoiro de Cesantes ó solpor.
-
Casco urbano de Chapela e a nave de Pescanova ó fondo.
Parroquias
Lugares de Redondela
Para unha lista completa de todos os lugares do concello de Redondela vexa: Lugares de Redondela.
Notas
- ↑ Véxase no Galizionario.
- ↑ Instituto Nacional de Estadística, ed. (27 de decembro de 2019). "Cifras oficiales de población resultantes de la revisión del Padrón municipal a 1 de enero". Consultado o 2 de xuño de 2020.(en castelán).
- ↑ 3,0 3,1 Instituto Galego de Estatística. (2023) "Redondela".Información municipal. Sociedade e poboación. Xunta de Galicia.
- ↑ Nomenclátor de Galicia. Busca directa. Xunta de Galicia
- ↑ Neira, Carlos. "Evolución do uso do galego por concellos". Arquivado dende o orixinal o 5 de decembro de 2019. Consultado o 14 de outubro de 2014.
Fonte: IGE. Datos dispoñibles nas Táboas Dinámicas de Google
- ↑ Datos da estación meteorolóxica do Viso en Meteogalicia
- ↑ Eleccións municipais de 2007
- ↑ Eleccións municipais de 2007
- ↑ Anecdotario do convento de Vilavella
- ↑ Páxina do Festival Internacional de Títeres de Redondela
Véxase tamén
Wikimedia Commons ten máis contidos multimedia na categoría: Redondela |
Outros artigos
- Aeroporto de Peinador
- Batalla de Rande
- Faro de Vigo
- Pescanova
- Radio Redondela
- Illa de San Simón
- Praia de Cesantes
- Enseada de San Simón
- Río Alvedosa