Xunta de Castela e León

Logotipo da Junta de Castilla y León

A Junta de Castilla y León é, segundo o Estatuto de Autonomía de Castela e León, o órgano de goberno e administración da comunidade autónoma de Castela e León e exerce a función executiva e a potestade regulamentaria.

Está formada polo Presidente da Junta, os Vicepresidentes e os Conselleiros. A función da Junta é a de exercer o goberno e administración da comunidade.

A sede da Junta de Castilla y León atópase no Colexio da Asunción de Valladolid. Devandito edificio está situado na praza de Castilla y León, 1, no Barrio de Covaresa.

Presidente

O Presidente da Junta é a máxima representación da Comunidade, dirixe as accións da Junta de Castilla y León e coordina aos seus membros.

É elixido polas Cortes de Castela e León, pode ser destituído por estas se perde o apoio de máis da metade dos Procuradores, e ten a capacidade de nomear e destituír aos Conselleiros. O seu mandato ordinario é de 4 anos.

Lista de presidentes

• Demetrio Madrid López (PSOE) (1983-1986)
• José Constantino Nalda García (PSOE) (1986-1987)
• José María Aznar López (Alianza Popular) (1987-1989)
• Jesús María Posada Moreno (PP) (1989-1991)
• Juan José Lucas Giménez (PP) (1991-2001)
• Juan Vicente Herrera Campo (PP) (2001- )

Na etapa preautonómica, o Consejo General de Castilla y León (1978-1983) estivo presidido por Juan Manuel Reol Tejada (UCD) durante o período 1978-1980 e por José Manuel García-Verdugo Candón (UCD) durante o período 1981-1983.

Competencias transferidas

• Sanidade
• Universidades
• Educación (non universitaria)
• Agricultura
• Emprego
• Servizos Sociais

Véxase tamén

Outros artigos

• Cortes de Castela e León
• Estatuto de Autonomía de Castela e León

Ligazóns externas

• Junta de Castilla y León (en castelán)
• Consejo Consultivo de CyL (en castelán)