Provincia de Cidade Real

Provincia de Cidade Real
Provincia de Ciudad Real

Capital	Cidade Real
Área	19.813 km²
Poboación	515.529 hab. (2010)
Densidade	26,72 hab./km²
Concellos	102
Xentilicio	Ciudadrealeño/a

A provincia de Cidade Real (en castelán e oficialmente: Ciudad Real) está situada na Comunidade Autónoma de Castela - A Mancha, que ten como capital a cidade do mesmo nome. Conta cunha poboación de 506.864 habitantes (2006), e ocupa unha superficie de 19.813 km², que se reparten entre 100 concellos. Limita polo norte coa provincia de Toledo, polo nordeste coa provincia de Cuenca, polo leste coa provincia de Albacete, polo sur coas provincias de Córdoba e Xaén (Andalucía), e polo oeste coa de Badaxoz (Estremadura).

Xeografía

Relevo

A súa paisaxe está definida pola Meseta Central Ibérica na súa metade setentrional: trátase dun extenso altiplano de horizonte chairo apenas interrompido por outeiros de pouca altura. O sur da provincia está delimitado pola Serra Morena, na que o principal paso cara Andalucía está en Despeñaperros; mentres que no Norte érguense os Montes de Toledo, unha cadea montañosa non moi elevada.

Grande parte do territorio pertence á comarca da Mancha, arredor da cal aparecen as subcomarcas do Campo de Calatrava, o Campo de San Juan e o Campo de Montiel.

Hidrografía

O río Guadiana é a principal cunca hidrográfica; nace nas lagoas de Ruidera, na parte oriental da provincia, desaparecendo e volvendo a aparecer nos arredores da localidade de Villarrubia de los Ojos. Algúns dos seus afluentes importantes na provincia son o Cigüela, o Záncara e o Jabalón.

Clima

O clima da provincia é continental, caracterizado por invernos fríos e veráns moi calorosos.

Véxase tamén

Outros artigos

• Lista de concellos de Cidade Real
• Provincias de España

Ligazóns externas

• Páxina web oficial