Rebordáns, Tui

Para outras páxinas con títulos homónimos véxase: Rebordáns.

Rebordáns
Igrexa de San Bartolomeu de Rebordáns.
Concello	Tui
Coordenadas	42°04′00″N 8°40′15″O
Poboación	1.152 hab. (2004)
Entidades de poboación	15
[ editar datos en Wikidata ]

San Bartolomeu de Rebordáns é unha parroquia que se localiza no concello de Tui. Segundo o padrón municipal de 2004 tiña 1.152 habitantes (608 mulleres e 544 homes), distribuídos en 15 entidades de poboación, o que supón un aumento en relación ao ano 1999 cando tiña 1.113 habitantes.

Patrimonio

A igrexa parroquial foi construída sobre unha antiga necrópole romano-sueva, situada a carón da via XIX do itinerario de Antonino. O templo actual é do século XII, pero conserva vestixios anteriores. En 1071 foi elixida como sé episcopal do bispado de Tui polo rei García, logo de ser saqueada Tui nos ataques normandos. Estivo vencellada a un mosteiro beneditino até o 30 de novembro de 1225.

Ten planta basilical de tres naves con tres ábsidas, de forma rectangular os laterais e semicircular o central, cubertos con bóvedas de canón, e rematada en cascarón a bóveda da ábsida central. O teito das naves é de madeira.

A fachada orixinal foi substituída na Idade Moderna pola neoclásica actual. Ten capiteis historiados e pinturas murais do século XVII, descubertas na ábsida. No altar maior consérvase unha escultura de pedra policromada de San Bartolomeu de estilo románico, atopada baixo o pavimento da capela maior.

O bispo Diego Xelmírez levou do templo as reliquias de San Froitoso á catedral de Santiago, xunto coas doutros santos veneradas na diocese de Braga.

Xunto á igrexa hai un cruceiro de 1770.

Véxase tamén

Artigo principal: Galería de imaxes de Rebordáns, Tui.

• 
• 
  San Bartolomeu de Rebordáns.
• 
  Cruceiro de San Bartolomeu de Rebordáns.

Véxase tamén

Outros artigos

• Lugares de Tui.