Requila

Requila
Rei do Reino Suevo de Galicia
Reinado	438 - 448
Coroación	438
Falecemento	448
Predecesor	Hermerico
Sucesor	Requiario
Descendencia	Requiario
Proxenitores	Hermerico

Moeda de ouro sueva datada entre os anos 410 e 500.

Requila (?-448) foi o segundo monarca suevo do reino de Galiza. Subiu ó trono en 438 por desexo do seu pai Hermerico que estaba enfermo desde anos atrás. Adoptou unha actitude moi agresiva contra os galaicos nativos e a igrexa católica. Enfrontouse aos bispos e favoreceu ó clero priscilianista. Firmou un novo foedus con Roma e alianzas coas tribos Bagaudas (bandoleiros do norte peninsular que traballaban como mercenarios). Dirixiu unha política expansionista con campañas por Lusitania e a Bética derrotando no 438 a Andevoto (dux romano segundo Isidoro de Sevilla ou un xefe local segundo outras fontes), e en 439 conquistou Mérida. Apoderouse de Sevilla en 441. Durante o seu curto reinado chegou a facerse dono de case toda a actual Andalucía e de parte do Levante. Tamén fixo incursións na Tarraconense e no 446 derrotou ao xeneral romano Veto e as súas tropas auxiliares visigodas. Á súa morte en 448 sucedeuno o seu fillo Requiario.

Dominios da monarquía sueva, e extensión do reino de Galicia arredor do ano 500 d.C.

Requila Rei Suevo Nacemento:  ? Falecemento: 448
Títulos Reais
Precedido por Hermerico	Rei de Galicia 438–448	Sucedido  por Requiario

Véxase tamén

Bibliografía

• López Carreira, A; Fernández Cal, T. Os reis de Galicia. A Nosa Terra. Vigo, 2003. ISBN 8496203271.

Outros artigos

• Lista de monarcas de Galicia
• Reino Suevo
• Lista de reis suevos
• Suevos