Furco, Arcos, Cuntis

Para outras páxinas con títulos homónimos véxase: Furco.

Furco
Relevos do adro da igrexa de San Breixo de Arcos de Furco.
Parroquia	Arcos
Concello	Cuntis
Coordenadas	42°39′15″N 8°33′08″O
Poboación	68 hab. (2008)
[ editar datos en Wikidata ]

O lugar de Furco pertence á parroquia de Arcos, concello de Cuntis. Segundo o IGE, tiña unha poboación de 68 habitantes en 2008, 25 homes e 43 mulleres, en descenso respecto a anos anteriores (78 habitantes en 2004).

Destaca a igrexa parroquial de San Breixo de Arcos de Furco. No adro da igrexa atópanse tres relevos procedentes dun baldaquino e que hoxe están incrustados no muro perimetral, rodeando un altar que aínda conserva restos de pinturas de representación vexetal. As tres pezas representan o nacemento de Xesús, a adoración dos Reis e o desencravo trala crucifixión. Á esquerda e un pouco separada, outra pedra cunha inscrición en latín.

Galería de imaxes

• 
  Fonte de Furco.
• 
  Nacemento.
• 
  Adoración dos Reis.
• 
  O Desencravo.