Carapucha 5': Diferenzas entre revisións

Na Galipedia, a Wikipedia en galego.
Contido eliminado Contido engadido
Miguelferig (conversa | contribucións)
Miguelferig (conversa | contribucións)
Sen resumo de edición
Liña 1: Liña 1:
{{entradución}}
{{entradución}}
[[Ficheiro:5'_cap_structure.png|miniatura|dereita|300px|Estrutura da carapucha 5′.]]

En [[bioloxía molecular]], a '''carapucha 5′''' <ref>Bruce Alberts et al. Biología Molecular de la Célula. Omega. 1986. Páxina 440. ISBN 84-282-0752-6. Como comparación, esta obra é un exemplo das que o denominan (en castelán) "caperuza" (carapucha). ''Cap'' en inglés pode significar carapucha, caparuza, gorro, tapa, tapón, remate, entre outras cousas.</ref> ou '''carapucha 5 prima''' (moitas veces utilízase a denominación inglesa '''5' cap''' ou 5'-cap) é un [[nucleótido]] especialmente alterado situado no [[extremo 5']] do [[pre-ARNm|ARN mensaxeiro precursor]] e algúns outros transcritos primarios atopados en [[eucarionte|eucariotas]]. Tamén se pode denominar '''carapucha 7-metilguanosina''', carapucha m7G, carapucha G ARN m<sup>7</sup>, caparucha 5', caparuza 5' ou gorra 5'. O proceso de formación da carapucha 5' é vital para crear [[ARNm maduro]], que pode experimentar despois a súa [[tradución de proteínas|tradución]] a [[proteína]]s. A formación da carapucha asegura a estabilidade do [[ARNm]] durante a tradución, e é un proceso moi regulado que ocorre no [[núcleo celular]] exclusivamente, polo que os ARNm de [[mitocondria]]s e [[cloroplasto]]s non teñen carapucha 5'.
En [[bioloxía molecular]], a '''carapucha 5′''' <ref>Bruce Alberts et al. Biología Molecular de la Célula. Omega. 1986. Páxina 440. ISBN 84-282-0752-6. Como comparación, esta obra é un exemplo das que o denominan (en castelán) "caperuza" (carapucha). ''Cap'' en inglés pode significar carapucha, caparuza, gorro, tapa, tapón, remate, entre outras cousas.</ref> ou '''carapucha 5 prima''' (moitas veces utilízase a denominación inglesa '''5' cap''' ou 5'-cap) é un [[nucleótido]] especialmente alterado situado no [[extremo 5']] do [[pre-ARNm|ARN mensaxeiro precursor]] e algúns outros transcritos primarios atopados en [[eucarionte|eucariotas]]. Tamén se pode denominar '''carapucha 7-metilguanosina''', carapucha m7G, carapucha G ARN m<sup>7</sup>, caparucha 5', caparuza 5' ou gorra 5'. O proceso de formación da carapucha 5' é vital para crear [[ARNm maduro]], que pode experimentar despois a súa [[tradución de proteínas|tradución]] a [[proteína]]s. A formación da carapucha asegura a estabilidade do [[ARNm]] durante a tradución, e é un proceso moi regulado que ocorre no [[núcleo celular]] exclusivamente, polo que os ARNm de [[mitocondria]]s e [[cloroplasto]]s non teñen carapucha 5'.



Revisión como estaba o 3 de abril de 2013 ás 18:51

Estrutura da carapucha 5′.

En bioloxía molecular, a carapucha 5′ [1] ou carapucha 5 prima (moitas veces utilízase a denominación inglesa 5' cap ou 5'-cap) é un nucleótido especialmente alterado situado no extremo 5' do ARN mensaxeiro precursor e algúns outros transcritos primarios atopados en eucariotas. Tamén se pode denominar carapucha 7-metilguanosina, carapucha m7G, carapucha G ARN m7, caparucha 5', caparuza 5' ou gorra 5'. O proceso de formación da carapucha 5' é vital para crear ARNm maduro, que pode experimentar despois a súa tradución a proteínas. A formación da carapucha asegura a estabilidade do ARNm durante a tradución, e é un proceso moi regulado que ocorre no núcleo celular exclusivamente, polo que os ARNm de mitocondrias e cloroplastos non teñen carapucha 5'.

Estrutura da carapucha 5′

Molécula de ribosa que mostra os carbonos en posición 2′, 3′ e 5′.

A carapucha 5′ encóntrase no extremo 5′ dunha moécula de ARNm e consiste nunha molécula do nucleótido guanosina unido ao ARNm por medio dun inusual enlace 5′-5′ trifosfato. Esta guanosina é metilada in vivo na posición 7 directamente despois da formación da carapucha por unha metil transferase. Por iso se denomina tamén carapucha 7-metilguanosina ou 7-metilguanilato, abreviada m7G.

Posteriores modificacións son a posible metilación dos grupos hidroxilo 2' das dúas primeiras ribosas do extremo 5' do ARNm. A metilación de ambos os grupos hidroxilo móstrase no diagrama.

A carapucha 5′ parécese ao extremo 3′ dun ARN (o carbono 5′ da ribosa da carapucha está enlazado, e o 3' non). Isto proporciónalle á molécula unha significativa resistencia ás exonucleases 5'.

Formación da carapucha

O punto de comezo para a formación da carapucha (capping) é o extremo 5' inalterado dunha molécula de ARNm. Este presenta un nucleótido final unido a tres grupos fosfato polo carbono 5'.

  1. Un dos grupos fosfato terminais é eliminado por unha fosfatase terminal do ARN, o que deixa só dous fosfatos.
  2. Engádese un GTP a eses fosfatos terminais pola acción dunha guanilil transferase, e no proceso pérdense dous grupos fosfato procedentes do GTP, polo que o que se engade realmente é GMP. Como o GMP se uniu polo seu único fosfato aos dous grupos fosfato que xa estaban no extremo, fórmase un enlace 5′–5′ trifosfato.
  3. O nitróxeno en posición 7 da base nitroxenada guanina do GMP é metilado seguidamente por unha metil transferase.
  4. Se a segunda base desde o extremo é adenina, pode ser metilada tamén; e a terceira base desde o extremo é moitas veces metilada tamén (o 10-15% das veces).

Encimas implicados

O complexo encimático para a adición da carapucha (Capping Enzyme Complex, CEC) necesario para a formación da carapucha está unido á ARN polimerase II antes de que empece a transcrición. Axiña que o extremo 5' do novo transcrito emerxe durante a transcrición, os encimas transfírense a el e empezan a formar a carapucha (este é un mecanismo similar ao que se produce na poliadenilación).

Os encimas para a formación da carapucha soamente poden unirse á ARN polimerase II asegurando así a especificidade para só eses transcritos, que son case exclusivamente ARNm.

Función da carapucha 5′

A carapucha 5′ ten 4 funcións principais:

  1. Regulación da exportación nuclear dos ARNm.
  2. Prevención da degradación por exonucleases do ARNm.
  3. Promoción da tradución doa ARNm.
  4. Promoción da excisión do intrón máis próximo ao extremo 5′.[2]

A exportación nuclear do ARN está regulada polo complexo de unión á carapucha (cap binbing complex, CBC), que se une exclusivamente aos ARN con carapucha. O CBC é recoñecido despois polo complexo dos poros nucleares e exportado. Unha vez no citoplasma despois da primeira rolda de tradución do ARNm, o CBC é substituído polos factores de transcrición eIF-4E e eIF-4G. Este complexo é despois recoñecido pola outra maquinaria de iniciación da tradución incluído o ribosoma.[3]

A carapucha 5' impide a degradación do ARN de dúas maneiras. En primeiro lugar, como se mencionou antes, impídese a degradación do ARNm polas exonucleases 5′ porque funcionalmente o extremo 5' con carapucha semella un extremo 3'. En segundo lugar, o complexo CBC e o factor eIF-4E/eIF-4G bloquean o acceso á carapucha dos encimas que eliminan a carapucha (decapping). Isto incrementa a vida media do ARNm, esencial nos eucariotas, xa que o proceso de exportación leva bastante tempo.

A eliminación da carapucha dun ARNm está catalizada por un complexo formado por polo menos Dcp1 e Dcp2, o cal debe competir con eIF-4E para unirse á carapucha. Así, a carapucha 5' é un marcador dos ARNm en activa tradución e as células utilízano para regular as vidas medias dos ARNm en resposta a novos estímulos. Os ARNm non desexables envíanse aos corpos P para o seu almacenamento temporal ou para a eliminación da carapucha, proceso do que non se coñecen os detalles.[4]

O mecanismo da promoción da excisión do intrón proximal do extremo 5' non se comprende ben, pero a carapucha 5′ parece formar un un bucle arredor do espliceosoma e interacciónar con el durante o proceso de splicing, o que promovería a excisión do intrón.

Notas

  1. Bruce Alberts et al. Biología Molecular de la Célula. Omega. 1986. Páxina 440. ISBN 84-282-0752-6. Como comparación, esta obra é un exemplo das que o denominan (en castelán) "caperuza" (carapucha). Cap en inglés pode significar carapucha, caparuza, gorro, tapa, tapón, remate, entre outras cousas.
  2. "Recognition of cap structure in splicing in vitro of mRNA precursors".  Parámetro descoñecido |acceso= ignorado (Axuda)
  3. Kapp, L.D.; Lorsch, J.R. (2004). "The Molecular Mechanics of Eukaryotic Translation" (PDF). Annual Review of Biochemistry 73 (1): 657–704. PMID 15189156. doi:10.1146/annurev.biochem.73.030403.080419. 
  4. Parker, R.; Sheth, U. (2007). "P Bodies and the Control of mRNA Translation and Degradation" (w). Molecular Cell 25 (5): 635–646. PMID 17349952. doi:10.1016/j.molcel.2007.02.011. 

Véxase tamén

Outros artigos

Ligazóns externas

  • "RNA Caps". PubMed Medical Subject Heading (MeSH). National Institutes of Health.