Karakorum

Cordilleira do Karakorum.

Situación dos principais picos do Karakorum.

A cordilleira do Karakorum (do turco: "pedregal negro") é, co Himalaia, unha das grandes cordilleiras de Asia, situada na fronteira entre Paquistán, a India e China. Ten unha lonxitude duns 500 km e é a rexión do mundo con máis glaciares fora das rexións polares.

Pola súa altitude e dureza, o Karakorum está moito menos habitado que a cordilleira do Himalaia. Os esploradores europeos chegaron por vez primeira a comezos do século XIX e foron seguidos polos topógrafos británicos en 1856.

O Paso Muztagh foi cruzado en 1887 por unha espedición encabezada polo coronel Francis Younghusband, e os vales situados sobre o río Hunza foros esplorados en 1892 polo xeneral Sir George K. Cockerill. As esploracións que se realizaron nas décadas de 1910 e 1920 serviron para coñecer gran parte da xeografía da rexión.

O Karakorum e o Himalaia son importantes para as investigacións sobre a Terra por diversas razóns. Son unhas das zonas do mundo cunha maior actividade xeolóxica, pois están situadas na zona na que baten dous continentes, Asia e o subcontinente indio. Ademais son importantes para o estudo das placas tectónicas. Os glaciares da montañas serven como indicadores do cambio climático.

Picos máis altos

Entre os picos máis altos do Karakorum, atópanse:

• K2 (8.611 msnm)
• Gasherbrum I (8.068 msnm)
• Broad Peak (8.047 msnm)
• Gasherbrum II (8.035 msnm)
• Gasherbrum III (7.952msnm)
• Gasherbrum IV (7.925 msnm)
• Distaghil Sar (7.885 msnm)
• Masherbrum (7.821 msnm)
• Rakaposhi (7.788 msnm)
• Kanjut Sar (7.761 msnm)
• Saser Kangri (7.672 msnm)

Galería

• 
  K2.
• 
  Gasherbrum I.
• 
  Broad Peak.

Véxase tamén

Ligazóns externas

• Karakorum Explorers (en inglés)
• Karakorams (en inglés)