Chukotka

Чуко́тский автоно́мный о́круг (Txukotski Avtonomni Ókrug) Чукоткакэн автономныкэн округ (Txukotkaken avtonomiken ókrug)
Información
Capital	Anadir
Poboación  - Total  - Densidade de poboación	51.410 h. (2005) 0,07 hab/km²
Superficie	719.821 km²
Gobernador	Roman Kopin
Idiomas oficiais	Ruso e chukchi
Páxina web	Govern

Chukotka (en ruso Чуко́тский автоно́мный о́круг Txukotski Avtonomni Ókrug; Okrug autónomo de Chukotka), e en chukchi Чукоткакэн автономныкэн округ (Txukotkaken avtonomiken ókrug)) é un distrito autónomo de Rusia. Atópase no extremo oriental de Siberia, onde vive o pobo dos chukchis, e inclúe a península de Chukotka. Está situada entre o océano Ártico no norte e o océano Pacífico no leste, e está separada de Alasca (América do Norte) polo estreito de Bering. Limita cos territorios rusos seguintes: a república de Iacutia no oeste, o oblast de Magadán no sudoeste e o distrito autónomo de Koriakia no sur. Ten unha extensión de 737.700 km² e unha poboación de 55.000 habitantes (2002), cunha densidade de 7,5 hab/km2. A capital é Anadir.

Xeografia

Bañada polo mar da Siberia Oriental, o mar de Chukchi e o mar de Bering, o territorio ocupa a península dos Chukchis e a rexión adxacente, e inclúe a illa de Wrangel (Umqilir) e outras menores. É unha rexión inhóspita, fría e montañosa, e o río principal é o río Anadir (en chukchi Jàajwaam)

Economía

A economía de Chukotka está baseada sobre todo na exportación de materias primas (carbón, ouro, prata, platino, etc.), a pesca (caviar) e os produtos manufacturados de pel. Porén todos os bens de consumo, alimentarios e industriais son importados de Rusia.

Poboación

Hai unha notable variedade étnica na poboación: viven 60 nacionalidades diferentes. Segundo o censo ruso de 2002 a composición nacional é a seguinte:

• rusos 51,86%
• chukchis 23,45%
• ucraínos 9,22%
• inuits 2,85%
• evens 2,61%
• chuvans 1,778%
• tártaros 0,99%
• bielorrusos 0.96%
• iukaghirs 0,34%
• chuvaxos 0,30%
• moldavos 0,24%
• buriatos 0,22%
• alemáns étnicos 0,22%
• bashkires 0,22%
• azerís 0,2%
• algúns outros pequenos grupos que non chegan ao centenar de persoas cada un
• o 2.23% dos habitantes non especificaron a que grupo étnico pertencen

	censo 1939	censo 1959	censo 1970	censo 1979	censo 1989	censo 2002
Chukchis	12.111 (56,2%)	9.975 (21,4%)	11.001 (10,9%)	11.292 (8,1%)	11.914 (7,3%)	12.622 (23,5%)
Chuvans					944 (0,6%)	951 (1,8%)
Esquimós	800 (3,7%)	1.064 (2,3%)	1.149 (1,1%)	1.278 (0,9%)	1.452 (0,9%)	1.534 (2,9%)
Evens	817 (3,8%)	820 (1,8%)	1.061 (1,0%)	969 (0,7%)	1.336 (0,8%)	1.407 (2,6%)
Rusos	5.183 (24,1%)	28.318 (60,7%)	70.531 (69,7%)	96.424 (68,9%)	108.297 (66,1%)	27.918 (51,9%)
Ucraínos	571 (2,7%)	3.543 (7,6%)	10.393 (10,3%)	20.122 (14,4%)	27.600 (16,8%)	4.960 (9,2%)
Outros	2.055 (9,5%)	2.969 (6,4%)	7.049 (7%)	9.859 (7%)	12.391 (7,6%)	4.432 (8,2%)

Ligazóns externas

• (en inglés) Web oficial do Distrito Autónomo de Chukotka.
• (en inglés) Web de Chukotka con imaxes.