Antón Patiño Pérez

Para outras páxinas con títulos homónimos véxase: Antón Patiño.

Antón Patiño Pérez, nado en Monforte de Lemos o 1 de xaneiro de 1957, é un pintor e escritor galego.

Traxectoria

É membro fundador do Grupo Atlántica. Pintor abstracto, gosta das cores intensas agás no ciclo "Mareas Negras". Realizou numerosas exposicións tanto en Europa (París, Hamburgo, Estocolmo, Burdeos, Zurich...) como en Norteamérica. É autor de ensaios como Xeometría líquida, Urbano Lugrís, Reimundo Patiño: a explosión dun mundo. Vicepresidente do círculo de Bellas Artes de Madrid. É membro do relatorio de artes plásticas do Consello da Cultura Galega. Casou con Menchu Lamas.

Obra

Ensaio

• Xeometría líquida, 1993, Positivas.
• Reimundo Patiño: a explosión dun mundo, 1999, Auditorio de Galicia.
• Urbano Lugrís, 2004, A Nosa Terra.
• Reimundo Patiño, 2005, A Nosa Terra.
• Urbano Lugrís (viaxe ao corazón do océano), 2007, Edicións do Castro. Traducido ao castelán no 2008 como Urbano Lugrís. Viaje al corazón del océano, publicado en NigraTrea.
• Lois Pereiro. Radiografía do abismo, 2010, Espiral Maior.
• Universo Novoneyra: a poética do intre, 2010, Espiral Maior.
• Lois Pereiro: dicionario de sombras, 2011, Espiral Maior.

Poesía

• Océano e silencio, 2006, Deputación de Pontevedra.

Obras colectivas

• Hai suficiente infinito, 1999, Xerais, en colaboración con Xavier Seoane.
• Neste silencio: Arredor de Uxío Novoneyra, 2000, Noitarenga.
• Lois Pereiro en 17 voces, 2011, La Voz de Galicia.

Véxase tamén

Ligazóns externas

• Ficha do autor na AELG