Cynfarch Oer

Cynfarch Oer, tamén coñecido como Cunomarcus ou Cynfarch ap Meirchion, foi probabelmente rei no século VI do reino de Rheged, que se cre que estaba situado no noroeste de Inglaterra e no sudoeste de Escocia.

Historia

Non se coñece casen ada de Cynfarch. Aparece nas liñaxes galesas antigas dos britónicos 'Homes do Norte' como fillo do igualmente escuro Meirchion Gul (Marciano o Delgado) e como pai do moito mellor documentado Urien Rheged. O seu nome foi malia todo ben lembrado e a súa familia foi coñecida como os 'Cynferchyn' na súa honra. O seu pouco glorioso epíteto Oer probabelmente significa '(o) Non Benvido' (literalmente 'frío').

Considérase que Cynfarch reinou en Rheged antes que Urien. De aí o topónimo Dunragit (en gaélico Dùn Reicheit), preto de Stranraer, que aparentemente contén a palabra 'Rheged' e as historias de March ap Meirchion (ou Cunmarch ap Meirchion) na mesma área. Se cadra foi un dos que participou na Batalla de Arfderydd en 573.