Pedro Barrié de la Maza

Pedro Barrié de la Maza

Biografía
Nacemento	17 de decembro de 1888 A Coruña, Galiza
Morte	14 de marzo de 1971 (82 anos) A Coruña, España
Lugar de sepultura	cemiterio de Santo Amaro da Coruña
Procurador en Cortes
6 de novembro de 1967 – 16 de febreiro de 1971 Lexislatura: IX lexislatura das Cortes franquistas
Procurador en Cortes
3 de xullo de 1964 – 15 de novembro de 1967 Lexislatura: VIII lexislatura das Cortes franquistas
Procurador en Cortes
31 de maio de 1961 – 6 de xuño de 1964 Lexislatura: VII lexislatura das Cortes franquistas
Procurador en Cortes
16 de maio de 1958 – 18 de abril de 1961 Lexislatura: VI lexislatura das Cortes franquistas
Procurador en Cortes
14 de maio de 1955 – 14 de abril de 1958 Lexislatura: V lexislatura das Cortes franquistas
Procurador en Cortes
14 de maio de 1952 – 13 de abril de 1955 Lexislatura: IV lexislatura das Cortes franquistas
Procurador en Cortes
13 de maio de 1949 – 5 de abril de 1952 Lexislatura: III lexislatura das Cortes franquistas
Procurador en Cortes
12 de maio de 1946 – 4 de maio de 1949 Lexislatura: II lexislatura das Cortes franquistas
Datos persoais
País de nacionalidade	España
Educación	Escola Superior de Comercio da Coruña
Actividade
Lugar de traballo	Madrid
Ocupación	Empresario
Membro de	Real Academia Galega de Belas Artes
Lingua	Lingua castelá
Outro
Título	Conde (1955–)
Cónxuxe	Carmela Arias
Pai	Pedro Barrié Pastor
Parentes	Juan Francisco Barrié d'Abadie (avó)
Premios (1969)  doutor honoris causa pola Universidade de Santiago de Compostela (1966)  Gran Cruz da Orde Civil de Beneficencia (1950)  Gran Cruz do Mérito Naval con distintivo branco (1949)  Medalla de Ouro ó Merito no Traballo (1947)  Gran Cruz da Orde de Isabel a Católica  Gran Cruz da Orde do Mérito Civil

Pedro Barrié de la Maza, nado na Coruña o 17 de decembro de 1888 e falecido o 14 de marzo de 1971, conde de Fenosa, foi un empresario galego.

Traxectoria

Estudou a carreira de Comercio na Escola Superior de Comercio da Coruña, e logo ampliou os seus estudos financeiros en Gran Bretaña, Alemaña e Francia.

Foi un dos principais financeiros do bando nacional durante a Guerra Civil Española, motivo polo cal Franco concedeulle importantes privilexios.

Desde 1939 ata 1971 dirixiu o principal banco de Galicia (Banco Pastor) e creou en 1943 a empresa de electricidade Fuerzas Eléctricas del Noroeste S.A. (FENOSA), hoxe Gas Natural Fenosa, participando así no desenvolvemento económico de Galicia.

Foi presidente de Astilleros e Talleres do Noroeste, S.A. (ASTANO) desde 1948 ata 1971. Desde 1944 ata 1971 foi Presidente da Xunta de Obras do Porto da Coruña construíndo, entre outras cousas, o dique de abrigo.

Promoveu ou presidiu moitas outras empresas como Aluminio de Galicia, Gas Madrid, La Toja, Minero Siderúrgica de Ponferrada, PEBSA, etc.

En 1955 foille outorgado o título de conde de Fenosa pola promoción e o desenvolvemento da empresa eléctrica. Foi posuidor de moitas outras distincións como poden ser a Gran Cruz de Isabel a Católica, a Gran Cruz de Beneficencia ou a Gran Cruz do Mérito Civil.

Foi agraciado co primeiro premio da lotaría nacional de 1958. Despois dunha incerteza inicial en torno ao gañador, publícase nos diarios que seis das sete series do número 33704 vendidas na administración o Gato Negro (A Coruña) cun importe de 180 millóns de pesetas eran depositadas no Banco Pastor. Segundo relata o libro "Grandes Empresas, grandes historias de Galicia" (2000) as súas empresas do sector eléctrico e mineiro tiveron a fortuna de recibir estes 180 millóns de pesetas de inxección extra.

En 1966 crea a fundación Conde de Fenosa con sede na Coruña e un capital inicial de 3.300 millóns de pesetas e declarouna herdeira universal ó seu falecemento. A fundación é actualmente posuidora de máis do 40 % das accións do Banco Pastor hoxe absorbido por Banco Popular

Vida persoal

Estivo casado con Carmela Arias y Díaz de Rábago.