Sárdoma, Vigo

Sárdoma
Igrexa parroquial de San Pedro de Sárdoma.
Concello	Vigo
Coordenadas	42°12′54″N 8°42′27″O
Poboación	1.992 hab. (2003)
Entidades de poboación	13
[ editar datos en Wikidata ]

San Pedro de Sárdoma é unha parroquia do concello pontevedrés de Vigo na comarca de Vigo. Limita coas parroquias de Beade, Castrelos, Freixeiro, Lavadores e Vigo Centro e pertence ó arciprestado de Vigo-Lavadores.

Ten 9 entidades de poboación, 5 lugares e 1.992 veciños (2003). As súas entidades de poboación son as seguintes: Fragosiño (73), Laxe (566), O Lameiro (182), O Marco (58), Moledo (318), O Outeiro (109), A Pescadeira (81), O Raviso (581) e Relfas (24). Os lugares (que xeralmente forman parte dalgunhas das entidades): O Freixo, Louxadas, Monte da Serra, A Raposeira e A Salgueira.

Patrimonio

Consérvanse, da época medieval, o pazo da Raposeira (do ano 1625), o pazo de San Roque (1688) e a Casa Grande de Aires, do século XVIII. Destaca tamén unha ponte medieval, aínda en uso, dos séculos XII-XIII. A igrexa parroquial, o adro, o cemiterio e a casa reitoral son do século XVIII. A parroquia posúe dous cruceiros, un no adro da igrexa e outro na Laxe.

Personalidades

Desta parroquia viguesa foi oriúndo o compositor e gaiteiro Nazario González Iglesias, máis coñecido coma "Moxenas" .

Festas

As festas máis importantes de Sárdoma son as de San Isidro Labrador no mes de Maio, e as do patrón San Pedro que se celebra o 29 de Xuño.

Galería de imaxes

• 
  Fachada e torre da igrexa.

Véxase tamén

Outros artigos

• Lugares de Vigo