Terra do Norte

Localización do arquipélago

Terra do Norte ou Sévernaya Zemliá (en ruso, Се́верная Земля, que significa, Terra do Norte). É un arquipélago de Rusia, no océano Glacial Ártico, situado ao nordeste de Nova Zembla.

Queda ao norte da península siberiana de Taimir entre o mar de Kara e o mar de Láptev. O arquipélago de Terra do Norte foi avistado por en 1913 e cartografado por primeira vez en 1933, convertíndose no último arquipélago da Terra en ser descuberto.

Administrativamente, forma parte do krai de Krasnoyarsk da Federación Rusa.

Illas

O arquipélago ten as seguintes catro illas maiores:

• Illa da Revolución de Outubro, a maior do arquipélago, con 14.170 km². Foi a primeira en ser explorada na expedición de G. A. Ushakov e N. N. Urvantsev en 1930–32.

• Illa Bolxevique, unha illa montañosa, a máis meridional do grupo e a segunda por tamaño, con 11.031 km².

• Illa Komsomolets, a máis setentrional do grupo e a terceira por tamaño, con 9.006 km².

• Illa Pioneer, con 1.527 km², alberga o glaciar Pioneer.

Ademais, ten as seguintes illas menores:

• Isla Schmidt, con 467 km², a máis afastada do grupo, situada ao noroeste do arquipélago, nunha zona case de permanentes xeos, a illa está case cuberta por completo polo «campo de hielo Schmidt». Leva o seu nome en honor do científico ruso Otto Schmidt (1891 — 1956).

• Illa Maly Taymyr, con 232 km², está no mar de Lptev. Hai unha petición oficial para cambiar o nome desta illa polo de illa Alexéi, en memoria do tsarévich Alexei Nikolaevich Romanov, fillo do tsar Nicolao II (78°07′N 107°15′L).

• Illa Starokadomsky, pequena illa próxima a Maly Taimyr, fronte a súa costa noroccidental, separado dela por un estreito duns 6 km de anchura.

• Arquipélago Sedov

• Illa Lishni

• Illa Vostóchniy, situada ao sur da illa Bolxevique.