Bandeira do Canadá

[[|]] A bandeira do Canadá, tamén coñecida en inglés como The Maple Leaf (a bandeira da folla de arce») e en francés como l'Unifolié («a bandeira cunha soa folla»). oficialmente chamada Bandeira Nacional do Canadá, é unha bandeira vermella cun cadrado branco no seu centro, dentro do cal hai unha folla de arce vermella de 11 puntas. A súa adopción en 1965 marcou a primeira vez que unha bandeira nacional era adoptada oficialmente en Canadá para substituír á bandeira do Reino Unido. A Red Ensign («Enseña Vermella») canadense fora empregada extraoficialmente dende os anos 1890 e foi aprobada nun decreto de 1945 para usarse en "calquera lugar ou ocasión na que sexa desexable izar unha insignia canadense distintiva". En 1964, o Primeiro ministro Lester B. Pearson organizou un comité para que tratara o asunto, provocando un serio debate acerca dun cambio de bandeira. Tendo tres opcións, elixiuse o deseño da bandeira da folla de arce, creado por George F. G. Stanley e John Matheson baseado na bandeira do Royal Military College. A bandeira fixo a súa primeira aparición o 15 de febreiro de 1965; esa data é celebrada anualmente dende entón como o Día da Bandeira Nacional do Canadá.

Outras bandeiras

• 
  Pavillón de Proa
• 
  Estandarte do Monarca Británico
• 
  Primeira proposta de bandeira nacional (1946)
• 
  Proposta de bandeira nacional canadense de 1967
• 
  Proposta de "Bandeira da Dualidade".

Véxase tamén

Ligazóns externas

• Bandeira do Canadá en Flags of the World