Organización das Nacións Unidas

Bandeira da ONU

Sede da ONU en Nova York

Organización das Nacións Unidas, ONU. Fundada oficialmente o 24 de outubro de 1945 en San Francisco, California, finalizada a Segunda Guerra Mundial.

A primeira Asemblea Xeral celebrouse o 10 de xaneiro de 1946 (celebrada en Central Hall Westminter, Londres). A sede actual está na cidade de Nova York.

A precursora das Nacións Unidas foi a Sociedade de Nacións (tamén coñecida como "Liga das Nacións"), organización concibida en circunstancias similares durante a Primeira Guerra Mundial e estabelecida en 1919, en conformidade co Tratado de Versalles, "para promover a cooperación internacional e conseguir a paz e a seguridade". Todos os países soberanos internacionalmente recoñecidos son membros, excepto o Vaticano, en calidade de observador, e Taiwan (un caso especial, recoñecida por poucos países). Dende o 14 de xullo de 2011 a ONU ten 193 Estados Membros. O seu secretario xeral é Ban Ki-moon dende o 1 de xaneiro de 2007.

Un dos feitos máis destacábeis da ONU é a proclamación da Declaración Universal dos Dereitos Humanos, en 1948.

Idiomas oficiais

A ONU utiliza 6 linguas oficiais: árabe, chinés, español, francés, inglés e ruso. Case todas as reunións oficiais son interpretadas simultaneamente para estas linguas. Case todos os documentos oficiais, en soporte de papel e "on-line", son traducidos para estes seis idiomas. Nalgunhas dependencias, como na Secretaría, as conferencias e mailos documentos de traballo son só en francés e inglés ou en español, francés e inglés e as publicacións realízanse nestes dous ou tres idiomas.

Antecedentes e Historia

A idea das Nacións Unidas foi elaborada na declaración, asinada durante a Segunda Guerra Mundial, na conferencia de Aliados celebrada en Moscova en 1943. O daquela presidente dos Estados Unidos da América, Franklin Delano Roossevelt, suxeriu o nome de "Nacións Unidas". O 25 de abril de 1945 celebrouse a primeira conferencia en San Francisco. Á parte dos gobernos, foron convidadas organizacións non gobernamentais. As 50 nacións representadas na conferencia asinaron a Carta das Nacións Unidas dous meses máis tarde o 26 de xuño; Polonia, que non estivera representada na conferencia, engadiu o seu nome máis tarde.

A ONU comeza a súa existencia o 24 de outubro de 1945, despois de ter sido ratificada a Carta polos entón cinco membros permanentes do Consello de Seguridade (República Popular da China, Francia, A Unión das Repúblicas Socialistas Soviéticas, o Reino Unido e os Estados Unidos da América) e pola gran maioría dos outros 46 membros.

Actualmente os 5 Membros Permanentes do Consello de Seguridade son os únicos que teñen veto nas decisións. Estes son os Estados Unidos da América, a Federación Rusa, Francia, o Reino Unido e a República Popular da China.

Os fundadores da ONU tiñan grandes esperanzas de poderen actuar para previren novas guerras. Aqueles desexos non se conseguiron en moitos casos. Desde 1947 ata 1989 (Caída do Muro de Berlín) a división do mundo en zonas hostís durante a chamada Guerra fría tornou este obxectivo moi difícil de acadar debido ao sistema de veto do Consello de Seguridade.

Sistema das Nacións Unidas

Nacións Unidas

UNESCO

UNICEF

WHO

ICAO

World Meteorological Organization

Ficheiro:Flag of ITU.svg

ITU

Axencia Internacional da Enerxía Atómica

O Sistema das Nacións Unidas está centralizado por:

• A Asemblea Xeral
• O Consello de Seguridade
• O Consello Económico e Social (ECOSOC)
• O Consello de Tutela
• O Tribunal Internacional de Xustiza
• O Secretariado

• O Sistema das Nacións Unidas está organizado da seguinte maneira :

A.-Programas e Órganos

• 1.-ACNUR, Alto Comisariado das Nacións Unidas para os Refuxiados.
• 2.-CCI, Centro de Comercio Internacional, UNCTAD/OMC.
• 3.-PMA, Programa Mundial de Alimentación
• 4.-PNUAH, Programa das Nacións Unidas para os Asentamentos Humanos, ONU-Habitat.
• 5.-PNUD, Programa das Nacións Unidas para o Desenvolvemento.
• 6.-PNUFID, Programa das Nacións Unidas para a Fiscalización Internacional de Drogas.
• 7.-PNUMA, Programa das Nacións Unidas para o Medio Ambiente.
• 8.-UNCTAD, Conferencia das Nacións Unidas sobre Comercio e Desenvolvemento.
• 9.-UNICEF, Fondo das Nacións Unidas para a Infancia.
• 10.-UNIFEN, Fondo de Desenvolvemento das Nacións Unidas para a muller.
• 11.-VNU, Voluntarios das Nacións Unidas.

B.-Outros Órganos das Nacións Unidas

• 1.-ACNUDH, Alto Comisariado das Nacións Unidas para os Dereitos Humanos.
• 2.-ONUSIDA, Programa Conxunto das Nacións Unidas sobre o HIV/SIDA.
• 3.-GNOPS, Gabinete das Nacións Unidas de Servizos para Proxectos.
• 4.-UNSC, United Nations System Staff College
• 5.-UNU, Universidade das Nacións Unidas.

C.-Institutos de Estudo e Investigación

• 1.-INSTRAW, International Research and Training Institute for the Advancement of Women.
• 2.-UNICRI, United Nations Interregional Crime and Justice Research Institute .
• 3.-UNIDIR, United Nations Institute for Training and Research
• 4.-UNITAR, United Nations Research Institute for Social development .
• 5.-UNRISD United Nations Institute for Disarmament Research (Reports only to the General Assembly).

D.-Comisións Orgánicas

• 1.-Comisión de Ciencia e Tecnoloxía para o Desenvolvemento
• 2.-Comisión para os Dereitos Humanos
• 3.-Comisión do Desenvolvemento Rural
• 4.-Comisión de Estatística
• 5..Comisión de Estupefacientes
• 6.-Comisión do Estatuto das Mulleres
• 7.-Comisión para a Poboación e Desenvolvemento
• 8.-Comisión de Prevención e Xustiza Criminal
• 9.-Comisión para o Desenvolvemento Sustentábel

E.-Comisións Rexionais

• 1.-CEE, Comisión Económica para Europa.
• 2.-CEA, Comisión Económica para África.
• 3.-CEPAL, Comisión Económica para América Latina e Caribe.
• 4.-CESAO, Comisión Económica para Asia Occidental.
• 5.-CESAP, Comisión Económica e Social para Asia e Pacífico.
• 6.- Fórum das Nacións Unidas para as Forestas.

F.-Órganos Conexos

• 1.-CTBTO, Comisión Preparatoria da Organización do Tratado sobre a Prohibición Total de Ensaios Nucleares.
• 2.-AIEA, Axencia Internacional de Enerxía Atómica
• 3.-OMC, Organización Mundial do Comercio.
• 4.-OMT, Organización Mundial de Turismo.
• 5.-OPAQ, Organización para a Prohibición das Armas Químicas.

G.-Organismos Especializados

• 1.-FAO, Organización das Nacións Unidas para a Agricultura e a Alimentación.
• 2.-FMI, Fondo Monetario Internacional.
• 3.-FIDA, Fondo Internacional de Desenvolvemento Agrícola.
• 4.-Grupo do Banco Mundial
• 4.a.-AID, Asociación Internacional de Desenvolvemento.
• 4.b.-BIRD, Banco Internacional para a Reconstrución e o Desenvolvemento.
• 4.c.-IFC, Corporación Financeira Internacional.
• 4.d.-CIADI, Centro Internacional para a Arbitraxe de Disputas sobre Investimentos.
• 4.e.-AMXI, Axencia Multilateral de Garantía de Investimentos.
• 5.-OACI, Organización da Aviación Civil Internacional.
• 6.-OIT, Organización Internacional do Traballo.
• 7.-OMI, Organización Marítima Internacional.
• 8.-OMN, Organización Meteorolóxica Mundial.
• 9.-OMPI, Organización Mundial da Propiedade Intelectual.
• 10.-OMS, Organización Mundial da Saúde.
• 11.-ONUDI, Organización das Nacións Unidas para o Desenvolvemento Industrial.
• 12.-OIT, Unión Internacional de Telecomunicacións.
• 13.-UNESCO, Organización das Nacións Unidas para a Educación, a Ciencia e a Cultura.
• 14.-UPU, Unión Postal Universal.

• NOTA: As siglas varían segundo os idiomas oficiais das Nacións Unidas.

Política

Lingüística

A Organización das Nacións Unidas ditou, no ano 1966, que “nos estados en que haxa minorías étnicas relixiosas ou lingüísticas, as persoas que pertenzan a estas minorías non poden ser privadas do dereito de ter, comunitariamente co resto de membros do seu grupo, a súa propia vida cultural, nin de practicar e profesar a súa propia relixión, nin de usar a súa propia lingua”.

Principais contribuíntes ao orzamento da Organización

ONU.Países con participación superior a 1%
nos ingresos do orzamento ordinario da ONU (2003).

Estados Unidos da América	22 %
Xapón	19,51 %
Alemaña	9,76 %
Francia	6,46 %
Reino Unido	5,53 %
Italia	5,06 %
Canadá	2,55 %
España	2,51 %
Brasil	2,39 %
Corea do Sur	1,85 %
Holanda	1,73%
Australia	1,62 %
China	1,53 %
Suíza	1,27 %
Rusia	1,20 %
Bélxica	1,12 %
México	1,08 %
Suecia	1,02 %

Véxase tamén

Artigos relacionados

• Carta das Nacións Unidas.
• Boinas azuis.
• Declaración Universal dos Dereitos Humanos.
• Dereitos da Muller.
• Dereitos da Crianza.
• Estados membros das Nacións Unidas.
• Os 14 puntos de Wilson
• Tratado do Antártico.
• Uso da forza.

Países fundadores da ONU

Arabia Saudí, Arxentina, Australia, Bélxica, Bolivia, Brasil, Belarús, Canadá, Chile, China, Colombia, Costa Rica, Cuba, Checoslovaquia, Dinamarca, Ecuador, Exipto, O Salvador, Etiopía, Estados Unidos de América, Federación de Rusia, Filipinas, Francia, Grecia, Guatemala, Haití, Honduras, India, Irán, Iraq, Líbano, Liberia, Luxemburgo, México, Nova Celandia, Nicaragua, Noruega, Países Baixos, Panamá, Paraguai, Perú, Polonia, Reino Unido de Gran Bretaña e Irlanda do Norte, República Árabe Siria, República Dominicana, Sudáfrica, Turquía, Ucraína, Uruguai, Venezuela, Iugoslavia.

Ligazóns Externas

• Páxina oficial da ONU.
• Carta das Nacións Unidas en portugués.

  Conflito árabe-israelí