Transilvanians

Transilvanians é unha banda musical formada en Vigo a finais do ano 2004, con membros procedentes doutros grupos de diversos estilos musicais, coma Siniestro Total, Skacha, Dakidarria ou Os Resentidos.

Entre as súas influencias está a música tradicional xamaicana, con estilos coma o ska, rocksteady, reggae ou a soul music, sen deixar de lado influencias rock and bluesR&B ou surf. Máis alá dos influxos musicais, achegan propostas culturais coma o xénero de terror, a serie B e a ciencia ficción.

O seu repertorio está formado por composicións propias e por versións de grupos coma The Skatalites, The Clash, Georgie Fame ou The Melodians.

Participaron na edición de A polo ghit coa canción "Kingston Town / Santiago DC".

No ano 2006 gravaron de forma analóxica cinco cancións nos estudios Muu! de Vigo, editadas no nadal de ese mesmo ano, baixo o título de Transilvanians, en formato CD e EP polo selo El Ejecutor Records.

Despois da súa participación no disco tributo a Potato, e tras tocar en directo no 2009, no 2010 gravaron diversos temas en Studio Juan, editadas en dous traballos: un sinxelo en formato 7" editado por Liquidator Music chamado The Vault Of.., e o primeiro LP/CD: Vampire Lover, editado por ZombieJ.

Compoñentes

• Javier Vicente - Guitarra.
• Nestor Meizoso - Baixo.
• Xabi Vieitez - Piano & Hammond.
• JF. Soto - Guitarra.
• Kino "Little Cobra" - Batería e voces.
• Antonio Rodríguez - Trombón, voces e percusión.
• Javier Marcos - Voz e percusión.
• Diego "Tornado" Alonso - Saxo Tenor, voces e percusión.

Discografía

• Roy Ellis meets Transilvanians - You Can't Leave Now SG 7" (Liquidator Music, 2012)
• Transilvanians CD/EP 7" - (Ejecutor Records/Zombie Jamboree, 2006)
• The Vault Of.. SG 7" - (Liquidator Records, 2010)
• Vampire Lover CD - (ZombieJ Records, 2011)

Véxase tamén

Ligazóns externas

• Transilvanians Sitio Oficial
• Transilvanians en Myspace
• Transilvanians en Facebook