José Iglesias Fernández

Modelo:InfFut2 José "Joseíto" Iglesias Fernández, nado o 23 de decembro de 1926 en Zamora e finado o 12 de xullo de 2007 en Granada, foi un futbolista e adestrador de fútbol español. Xogaba de dianteiro e foi internacional coa selección española.

Traxectoria

Como futbolista

A súa carreira comeza no equipo da súa cidade natal, xogando despois no Real Valladolid, Racing de Santander, Real Madrid, Levante UD e Rayo Vallecano.

Destaca as súas oito tempadas no Real Madrid dos anos cincuenta entre os anos 1951 e 1959, no que disputou 123 encontros gañou catro ligas e catro copas de Europa, formou parte do once inicial co que o equipo madrileño conquistou a primeira copa de Europa ante o Stade de Reims por 4-3. Neste período tamén foi convocado coa selección española ante Alemaña Federal, encontro que rematou en 2-2.

Como adestrador

O primeiro equipo ás súas ordes foi o Celta de Vigo, que tentaba conseguir o ascenso a Primeira División. Tras dúas tempadas e ao non conseguir os obxectivos o técnico deixa o equipo no ano 1965.

Posteriormente Joseíto adestrou a Valencia CF, Deportivo da Coruña, Córdoba CF, Real Murcia, CD Tenerife, Deportivo Alavés e Granada CF. Nesta cidade estableceuse tras retirarse do fútbol.

Véxase tamén

Ligazóns externas

• Datos do xogador en bdfutbol.com (en castelán)
• Datos do adestrador en bdfutbol.com (en castelán)
• Biografía en Yoentrenealcelta.com (en castelán)