Deuteróstomos

Deuteróstomos
Pepino de mar
Clasificación científica
Reino: Animalia Subreino: Eumetazoa (sen clasif.) Bilateria Superfilo: Deuterostomia Grobben, 1908
Phyla
Echinodermata Hemichordata Chordata Chaetognatha (incerto) Brachiopoda Phoronida Bryozoa (Ectoprocta)

Os Deuterostomados ou Deuteróstomos (Deuterostomia, do grego ‘segunda boca’) son un superfilo de animais nos que a boca do adulto non deriva do blastoporo embrionario, senón que é de neoformación.

Clasifícanse dentro de Bilateria, dentro de Eumetazoa, e distínguense de Protostomia polo seu desenvolvemento embrionario; nos deuteróstomos, a primeira abertura do embrión (blastoporo) convertese no ano, en troques en protóstomos, muda na boca. A boca dos deuteróstomos é, xa que logo, de noeformación.

Inclúe os seguintes filos:

• Echinodermata (estrelas, ourizos e cogombros de mar, etc.)
• Hemichordata
• Chordata (vertebrados, ademais doutros)
• Chaetognatha (posición incerta)
• Brachiopoda
• Phoronida
• Bryozoa (Ectoprocta)

Os tres primeiros son os filos tipicamente deuteróstomos; os Quetognatos teñen unha posición incerta no reino animal e os tres últimos (que conforman o grupo dos Lofoforados) son considerados deuteróstomos por algúns autores (como Brusca) ou protóstomos por outros (como Hickman).

Tanto en deuteróstomos coma en protóstomos, o cigoto desenvólvese nunha masa celular afondada, chamada blástula (proceso coñecido coma segmentación. En deuteróstomos, as primeiras divisións ocorren de forma paralela ou perpendicular ao eixo que aparece entre os extremos (segmentación radial) e cando o embrión está en estado un de 4 células, se se elimina unha é quen de compensar a perda, de feito a célula illada pode formar un individuo (segmentación indeterminada, clonación embrionaria).

En deuteróstomos, o mesodermo, fórmase como invaxinacións do arquénteron, proceso coñecido coma enterocelia, namentres que o protóstomos orixínase por esquizocelia.

Véxase tamén

Ligazóns externas

• UCMP-Deuterostomes (en inglés).