Facultade de Informática da Coruña: Diferenzas entre revisións
m Arranxiño: Tiles |
m Bot: Corrección de redireccións (A Coruña) |
||
| Liña 7: | Liña 7: | ||
[[Ficheiro:Logo_25_anos_da_FIC.png|thumb|left|250px|Logotipo conmemorativo do 25 aniversario da fundación da Escola Universitaria de Informática da Coruña ([[1986]]-[[2011]]).]] |
[[Ficheiro:Logo_25_anos_da_FIC.png|thumb|left|250px|Logotipo conmemorativo do 25 aniversario da fundación da Escola Universitaria de Informática da Coruña ([[1986]]-[[2011]]).]] |
||
A idea de crear na [[Coruña]] unha escola universitaria de [[informática]] comezou a tomar corpo entre [[1983]] e [[1985]], promovida desde diferentes sectores e entidades. Desta demanda fíxose eco [[Alfredo Bermúdez de Castro]], por entón vicerreitor na [[Universidade de Santiago de Compostela]], conseguindo que a reitoría convocase a debate ás empresas informáticas e ós profesionais máis relevantes do país naquel momento, así como ós representantes das facultades e escolas de informática existentes, coa finalidade de determinar a mellor orientación dos futuros estudos superiores de Informática en [[Galicia]]. Esta reunión, que se celebrou co apoio da [[Deputación da Coruña]] no [[pazo de Mariñán]], deixou sentadas as bases da carreira. |
A idea de crear na [[A Coruña|Coruña]] unha escola universitaria de [[informática]] comezou a tomar corpo entre [[1983]] e [[1985]], promovida desde diferentes sectores e entidades. Desta demanda fíxose eco [[Alfredo Bermúdez de Castro]], por entón vicerreitor na [[Universidade de Santiago de Compostela]], conseguindo que a reitoría convocase a debate ás empresas informáticas e ós profesionais máis relevantes do país naquel momento, así como ós representantes das facultades e escolas de informática existentes, coa finalidade de determinar a mellor orientación dos futuros estudos superiores de Informática en [[Galicia]]. Esta reunión, que se celebrou co apoio da [[Deputación da Coruña]] no [[pazo de Mariñán]], deixou sentadas as bases da carreira. |
||
En [[1985]] o reitor da [[USC]], [[Carlos Pajares Vales]], nomeou ó profesor [[José Luis Freire Nistal]] comisionado do proxecto e en [[1986]] creouse a Escola Universitaria de Informática da Coruña baixo a súa dirección. Desde o inicio das reunións participaron activamente distintas figuras académicas e profesionais que se comprometeron coa idea, podéndose destacar a [[Miguel Rodríguez Rubio]] e a [[Sebastián Bamonde Rodríguez]], que despois se incorporarían coma profesores da Escola. Entre todos elaboraron un primeiro plan de estudos que sería posteriormente aprobado polo Consello de Universidades: a Diplomatura en Informática. Nesta etapa foi destacable o apoio do concello da Coruña. |
En [[1985]] o reitor da [[USC]], [[Carlos Pajares Vales]], nomeou ó profesor [[José Luis Freire Nistal]] comisionado do proxecto e en [[1986]] creouse a Escola Universitaria de Informática da Coruña baixo a súa dirección. Desde o inicio das reunións participaron activamente distintas figuras académicas e profesionais que se comprometeron coa idea, podéndose destacar a [[Miguel Rodríguez Rubio]] e a [[Sebastián Bamonde Rodríguez]], que despois se incorporarían coma profesores da Escola. Entre todos elaboraron un primeiro plan de estudos que sería posteriormente aprobado polo Consello de Universidades: a Diplomatura en Informática. Nesta etapa foi destacable o apoio do concello da Coruña. |
||
Revisión como estaba o 1 de abril de 2012 ás 09:21
Coordenadas: 43°19′58″N 08°24′38″O / 43.33278, -8.41056
A Facultade de Informática da Coruña (FIC) é un centro educativo da Universidade da Coruña situado no campus de Elviña.
Historia
A idea de crear na Coruña unha escola universitaria de informática comezou a tomar corpo entre 1983 e 1985, promovida desde diferentes sectores e entidades. Desta demanda fíxose eco Alfredo Bermúdez de Castro, por entón vicerreitor na Universidade de Santiago de Compostela, conseguindo que a reitoría convocase a debate ás empresas informáticas e ós profesionais máis relevantes do país naquel momento, así como ós representantes das facultades e escolas de informática existentes, coa finalidade de determinar a mellor orientación dos futuros estudos superiores de Informática en Galicia. Esta reunión, que se celebrou co apoio da Deputación da Coruña no pazo de Mariñán, deixou sentadas as bases da carreira.
En 1985 o reitor da USC, Carlos Pajares Vales, nomeou ó profesor José Luis Freire Nistal comisionado do proxecto e en 1986 creouse a Escola Universitaria de Informática da Coruña baixo a súa dirección. Desde o inicio das reunións participaron activamente distintas figuras académicas e profesionais que se comprometeron coa idea, podéndose destacar a Miguel Rodríguez Rubio e a Sebastián Bamonde Rodríguez, que despois se incorporarían coma profesores da Escola. Entre todos elaboraron un primeiro plan de estudos que sería posteriormente aprobado polo Consello de Universidades: a Diplomatura en Informática. Nesta etapa foi destacable o apoio do concello da Coruña.
A Escola comezou a súa andadura en 1986 nalgunhas aulas e locais que lle cedeu a Escola de Aparelladores, onde chegaron a compartir un despacho entre cinco profesores. O alumnado examinábase en taboleiros de debuxo.
En 1989, durante o mandato do profesor Antonio Blanco Ferro -primeiro director electo do Centro- conseguiuse a aprobación do segundo ciclo de estudos en informática e sentáronse as bases para o financiamento dun edificio: era a etapa da fundación da Universidade da Coruña sendo o primeiro reitor José Antonio Portero Molina.
En 1990 créase a Facultade de Informática coa implantación da Licenciatura en Informática, e o reitor José Luis Meilán Gil nomea como decano comisionado a José Luis Freire Nistal. No ano 1993 inaugurouse o actual edificio e en 1994 chegarían as enxeñarías en informática en forma de tres titulacións: Enxeñaría Informática, Enxeñaría Técnica en Informática de Sistemas e Enxeñaría Técnica en Informática de Xestión. Nesta etapa xorde o acrónimo "FIC" proposto polos estudantes para identificar á Facultade de Informática da Coruña.
A implantación do Espazo Europeo de Educación Superior determinou que as antigas titulacións deran paso no curso 2010/2011 ós novos títulos de grao e mestrado, proceso que ten lugar durante o mandato coma reitor do ex-decano da Facultade José María Barja Pérez e que comeza coa implantación do Mestrado en Informática en 2006, transformándose no Mestrado Universitario en Enxeñería de Sistemas Informáticos en 2009, e culmina coa implantación do título de Grado en Enxeñería Informática un ano máis tarde.
Titulacións
Está en proceso de adaptación ó EEES nado a raíz do proceso de Bologna. Tras esta reforma universitaria, na Facultade impártese o grao en Enxeñaría Informática, coas especialidades de Computación, Enxeñaría de computadores, Sistemas de Información, Tecnoloxías da información e Enxeñaría do software.
Impártense tamén seis mestrados xa adaptados ó EEES (Mestrado universitario en enxeñaría de sistemas informáticos, Mestrado interuniversitario en enxeñaría matemática, Mestrado interuniversitario en técnicas estatísticas, Mestrado interuniversitario en tecnoloxías da información e nas comunicacións en redes móbiles, Mestrado interuniversitario en computación de altas prestacións e Mestrado universitario en computación). [1]
Hai tres enxeñarías en proceso de extinción (Enxeñaría Informática, Enxeñaría Técnica en Informática de Sistemas e Enxeñaría Técnica en Informática de Xestión).
Equipo decanal
O actual decano é Alberto Valderruten Vidal[2], nomeado por primeira vez o 9 de xaneiro de 2004 sendo o terceiro decano da historia da Facultade.
Na etapa de Escola Universitaria foron directores:
- José Luis Freire Nistal (1986 - 1989).
- Antonio Blanco Ferro (1989 - 1990).
- Juan Ares Casal (1990 - 10 de xuño de 1991; en funcións durante a transición coma facultade).
Desde a súa fundación coma Facultade foron decanos:
- José Luis Freire Nistal (11 de xullo de 1991 - 11 de xuño de 1999).
- José María Barja Pérez (12 de xuño de 1999 - 8 de xaneiro de 2004; causou baixa ao ser elixido reitor da Universidade da Coruña[3]).
- Alberto Valderruten Vidal (9 de xaneiro de 2004 - actualidade).
Departamentos
Os departamentos cos que conta a facultade son[4] computación, electrónica e sistemas, matemáticas e tecnoloxía da información e das comunicacións. Outros departamentos que imparten materias nesta facultade pero que teñen a súa sede noutras son economía financeira e contable, filoloxía inglesa e dereito público especial.
Curiosidades
O 19 de marzo celébrase a festividade de San Xosé, patrón do centro.