Río Barba, O Vicedo

Río Barba
Concello	O Vicedo
Coordenadas	43°40′15″N 7°40′06″O
Área	- km²
Poboación	(ano 2007) 140 hab.
Densidade	hab./km²
Entidades de poboación	22
[ editar datos en Wikidata ]

San Paulo de Río Barba é unha parroquia do concello lugués do Vicedo. En 1991 contaba con 222 habitantes, cunha densidade media de 14,8 hab/km². En 2007 contaba con 140 habitantes.

Limita ao norte coas Ribeiras do Sor (Mañón), As Negradas e Mosende; ao sul con Cabanas; ao leste con Mosende e Covas (Viveiro) e ao oeste con Mañón.

Consta dos seguintes lugares: Abezán, A Cova, A Forqueta, Insua, A Pardiñeira, A Sanga, As Mangas, Cortellas, Espido, Espigueiras, Golpeiras, Maladas, O Canto do Muro, O Chao, O Monte dos Bois, O Porto, O Regal, O Rego, O Rego dos Bois, O Tellado, O Vilar, Os Sirgos e Os Navallos.

A súa igrexa parroquial foi construída por Fernán Pérez de Andrade a finais do século XIV, conservando aínda a insignia deste nobre medieval, o porco bravo, igual que ocorre na igrexa de Santa María de Cabanas, tamén no Vicedo. O pórtigo é de data moi posterior. É de planta rectangular, fabricada con muros de canteria e lousa, e con coberta de lousa.

Véxase tamén

Outros artigos

• Lugares do Vicedo