Torino FC: Diferenzas entre revisións
Sen resumo de edición |
Sen resumo de edición |
||
| Liña 1: | Liña 1: | ||
{{enuso}} |
|||
{{Club de futbol |
{{Club de futbol |
||
| nome = Torino |
| nome = Torino |
||
| Liña 68: | Liña 67: | ||
==Véxase tamén== |
==Véxase tamén== |
||
===Ligazóns externas=== |
===Ligazóns externas=== |
||
* [http://www.torinofc.it/ Páxina web oficial do Torino FC] {{it}} |
* [[File:600px Granata con toro Bianco.png|45px|Torino FC]] [http://www.torinofc.it/ Páxina web oficial do Torino FC] {{it}} |
||
[[Categoría:Equipos de fútbol italianos]] |
[[Categoría:Equipos de fútbol italianos]] |
||
[[ar:نادي تورينو]] |
[[ar:نادي تورينو]] |
||
Revisión como estaba o 4 de febreiro de 2012 ás 20:09
| Torino | |||
|---|---|---|---|
| Nome | Torino Football Club | ||
| Alcume(s) | Il Toro, Il Granata | ||
| Fundación | 3 de decembro de 1906 | ||
| Estadio | Comunale, Turín, Italia | ||
| Inauguración | 1933 | ||
| Capacidade | 27.994 | ||
| Presidente |  Urbano Cairo | ||
| Adestrador | Giampiero Ventura | ||
| Liga | Serie B | ||
| 2010–11 | 8º | ||
| Vestimenta | Kappa | ||
| Patrocinador | Valmora | ||
| Na rede | |||
| http://www.torinofc.it/ | |||
    | |||
| |||
O Torino Football Club, comunmente chamado Torino ou simplemente Toro, é un club italiano de fútbol da cidade piemontesa de Turín, que durante a tempada 2011-12 está a competir na Serie B .
Historia
Fundado en 1906 como Foot-ball Club Torino, o club naceu como resultado da fusión de varios clubs mais antigos, algúns deles fundados en 1887, o cal convirte ó Torino no club de fútbol coa herdanza mais antiga de Italia.
O club acadou o seu primeiro Scudetto na tempada 1927-28, non obstante, a época de maior esplendor da entidade foron os anos 40, cando o seu rexistro de títulos e vitorias fixeron que fose considerado o mellor equipo do mundo. Daquela Il grande Torino converteuse no primeiro equipo italiano da historia que gañou 5 ligas seguidas, capitaneado e liderado por Valentino Mazzola, e con outros 9 integrandes da selección italiana. O 4 de maio de 1949, cando o equipo voltaba de Lisboa tras xogar un encontro amigable co SL Benfica, o avión que levaba a tódolos xogadores de volta, esnafrouse cun muro da Basílica de Superga, situada nun outeiro próximo á cidade de Turín, morrendo os 31 tripulantes no accidente, entre xogadores, directivos e xornalistas.
A pesar de gañar aquela liga un mes despois, o Torino non loitou de novo por mais títulos ate a década dos 70, na que o club acadou un novo título de liga e varios subcampionatos. Nos últimos tempos o club pasou por unha crise de resultados que o levou á Serie B durante anos, e sobre todo por unha crise económica que levou a unha refundación do club en agosto de 2005. Actualmente o equipo disputa a Serie B co obxectivo do ascenso.
Estadio
O Torino FC disputa os seus encontros como local no Stadio Olimpico, mais coñecido como Stadio Comunale, inaugurado en 1933 para acoller varios encontros do Mundial de Fútbol Italia 1934. O Torino FC e o Juventus FC compatiron este estadio durante décadas, ate a inauguración do Stadio delle Alpi en 1990, construido por mor do Mundial de Fútbol Italia 1990, e ó cal marcharon os dous clubs turineses. Trala reconstrucción do estadio en 2006 para acoller as ceremonias de apertura e peche dos Xogos Olímpicos de Inverno dese ano, ámbolos dous clubs voltaron ó seu antigo fogar. En 2011 o Juventus FC marchou ó seu novo estadio, e o Torino FC ficou como único residente do Comunale. Actualmente o recinto conta cunha capacidade para 27.994 seareiros.
Palmarés
O palmarés do club é un dos mais salientables do fútbol italiano, con 7 títulos de liga, 5 títulos de copa e 1 título da desaparecida Copa Mitropa.
Títulos nacionais
Scudettos (7) = 1927-28, 1942-43, 1945-46, 1946-47, 1947-48, 1948-49, 1975-76
Coppa Italia (5) = 1935-36, 1942-43, 1967-68, 1970-71, 1992-93
Títulos internacionais
- Mitropa Copa Mitropa (1) = 1991
Xogadores
Paolo Pulici é o xogador que mais goles anotou para o club (172 goles) e o segundo que mais encontros disputou defendendo as cores do Torino FC (437 encontros entre 1968 e 1982), só superado por Giorgio Ferrini (566 encontros entre 1959 e 1975). Valentino Mazzola (123 goles entre 1942 e 1949) era o capitán do Grande Torino. Silvio Piola, o máximo goleador histórico da liga italiana e da selección italiana, disputou unha tempada co Torino.
Outros grandes xogadores que vestiron a camisola granata do club foron Denis Law, Cesare Maldini, Álvaro Recoba, Martín Vázquez, Enzo Scifo, Hakan Şükür, Enzo Francescoli, Abedi Pele, Müller etc.
Rivalidades
Os seareiros do Torino FC teñen unha boa relación cos seareiros da ACF Fiorentina, e tamén cos do CA River Plate, CA Peñarol, Liverpool FC, Celtic Glasgow, SC Corinthians e West Ham United FC. Por contra, o seu máximo rival histórico é o veciño Juventus FC, ainda que tamén mantén unha forte rivalidade co UC Sampdoria, AS Roma, Atalanta BC, Bologna FC e Hellas Verona entre outros.
Ate o ano 2009 o Torino FC e o Genoa CFC mantiñan unha histórica relación de fraternidade que se rachou cun encontro ligueiro que mandou ó Torino á Serie B trala vitoria do Genoa.
