Ciconiformes

As ciconiformes (Ciconiiformes) son unha orde de aves que, tradicionalmente, incluíu unha variedade de aves grandes, zancudas, coas ás moi grandes, como as cegoñas, garzas, garcetas, os ibis, etc. As Ciconiformes son coñecidas dende o Eoceno tardío. Inclúe 116 especies.

Conduta

Certamente una das razóns que chama a atención das Ciconiiformes é o seu senlleiro xeito de moverse. Ese estilo especial de movemento, percibido coma "elegante" ou "cómicamente zoupón", acentúase nos rituais conductuais comúns no grupo.

Algunhas Ciconiiformes non emiten canto algún, e a vocalización na maioría das especies é bastante limitada. Así, os rituais e despregamentos son os medios primarios de comunicación. Estas condutas parecen ser case completamente determinadsa xeneticamente. De feito, un estudo que analizou as condutas e rituais de cegoñas como se fosen caracteres anatómicos e reconstruíron unha árbore taxonómica case idéntica á árbore que se construíu polos caracteres anatómicos e bioquímicos. Os rituais asociáronse coa selección de compañeiro inicial, o macho "anunciando" o sitio do niño e a expresión da femia de interese nos bens raíces do macho.

Taxonomía

A taxonomía das ciconiformes é controvertida. Segundo Clements, inclúe as seguintes familias:

• Ardeidae (incluíndo Cochlearidae, peteiro de bota) - garzas
• Threskiornithidae - bandurrias
• Scopidae - ave martelo
• Ciconiidae - cegoñas
• Balaenicipitidae - peteiro de zapato

O concepto de ciconiformes é, para outros autores, moi distinto:

• Ciconiidae
• Cathartidae
• Falconidae
• Accipitridae
• Burhinidae
• Chionidae
• Haematopodidae
• Dromadidae
• Ibidorhynchidae
• Recurvirostridae
• Charadriidae
• Rostratulidae
• Jacanidae
• Pedionomidae
• Thinocoridae
• Scolopacidae
• Glareolidae
• Laridae
• Stercorariidae
• Alcidae
• Pteroclididae

A clasificación de Sibley-Ahlquist é totalmente diferente das anteriores.