Francisco Godia

Francisco Godia Sales (Paco Godia), nado o 21 de marzo de 1921 en Barcelona - falecido o 28 de novembro de 1990, foi o primeiro piloto español en competir na Fórmula 1. Foi unha personalidade singular que uniu un instinto excepcional para os negocios co amor pola arte e a paixón polas carreiras de automóbiles.

Biografía

Paco Godia encarna a figura do gentleman driver dos inicios do automobilismo deportivo. Debutou en 1945 no circuíto de Montjuïc, aos mandos dun Hotchkiss, e moi pronto se deu a coñecer internacionalmente participando nas 24 Horas de Le Mans de 1949, xunto a Juan Jover Sañés, co equipo oficial Delage.

Entre 1954 e 1958 disputou o Campionato do Mundo de Fórmula 1, pilotando automóbiles Maserati. Debutou o 28 de outubro de 1951 no Gran Premio de España e logrou un total de seis puntos no campionato mundial, conseguidos con dous 4º postos. Terminou 9º no Campionato de 1956, algo que ningún español conseguiu superar ata Fernando Alonso.

Retirouse da competición en 1969, pero continuou vinculado ao deporte do motor. A súa influencia foi decisiva na construción do Circuíto de Cataluña.

Afeccionado á arte, reuniu unha valiosa colección privada que actualmente se exhibe no Museo Fundación Francisco Godia de Barcelona.

Resultados completos na Fórmula 1

Ano	Equipo	1	2	3	4	5	6	7	8	9	10	11	Posición	Puntos
1951	Maserati	SUI NP	IND NP	BEL NP	FRA NP	RU NP	ALE NP	ITA NP	ESP 10				24º	0
1954	Maserati	ARX NP	IND NP	BEL NP	FRA NP	RU NP	ALE NP	SUI NP	ITA NP	ESP 6			28º	0
1956	Maserati	ARX NP	MON NP	IND NP	BEL Ret	FRA 7	RU 8	ALE 4	ITA 4				9º	6
1957	Maserati	ARX NP	MON NP	IND NP	FRA NP	RU NP	ALE Ret	PES Ret	ITA 9				27º	0
1958	Maserati	ARX 8	MON NSC	HOL NP	IND NP	BEL Ret	FRA Ret	RU NP	ALE NP	POR NP	ITA NP	MAR NP	30º	0