Suxestopedia

A suxestopedia (Suggestopaedia, en inglés) é un método de aprendizaxe desenvolvido polo psicoterapeuta búlgaro Georgi Lozanov. Utilízase en campos diversos, pero principalmente para o ensino de linguas estranxeiras.

Lozanov defende que polo uso deste método os estudantes poden aprender unha lingua en aproximadamente tres ou catro semanas máis rapidamente que a través doutros métodos convencionais. A suxestopedia, que foi catalogada de pseudociencia, depende basicamente da confianza que os estudantes teñan no método, en creren que realmente vai funcionar.

O método consiste en aplicar unha suxestión positiva e foi desenvolvido nos anos setenta aínda que acadou o seu auxe na década seguinte. Baséase no feito de que a aprendizaxe máis efectiva para o estudante ten lugar a través da suxestión, cando se atopa relaxado e con baixa ansiedade.

Características

• O seu obxectivo é a linguaxe cotiá e a eliminación de barreiras psicolóxicas (ansiedade, inhibición, baixa autoestima…) que dificultan a aprendizaxe.
• É esencial a creación dun contorno no que o alumnado se sinta cómodo e relaxado (sofás, luz suave, música...)
• Mínimo estudo da gramática.
• A aprendizaxe concéntrase en vocabulario e destrezas comunicativas orais.
• Actividades: diálogos, traducións, cancións, dramatizacións e listas de palabras para memorizar.
• Evítanse a corrección inmediata de erros e a avaliación por métodos formais por perturbaren a contorna relaxada.

Véxase tamén

Bibliografía

• Negrete, Paulo, LOGOS LANGUAGE GROUP, São Paulo, Brazil - (http://www.lozanov.com.br/en)
• Edelmann, Walter, Suggestgopädie/Superlearning, Heidelberg: Ansanger, 1998.
• Harmer, Jeremy. The Practice of English Language Teaching. 4th Edition. Person Education Limited, 2007.
• Lozanov, Georgi, Suggestology and Outlines of Suggestopedy, New York: Gordon & Breach 1978 (Tradución de: Nauka i Iskustvi, Sofia 1971).
• Meier, Josef, Mehr Freude und Erfolg beim Englischlernen mit innovativen Lern- und Mentaltechniken, München:IBS, 1999.
• Noferini, Fabio:"Riflessioni sul diffuso scetticismo nei confronti del metodo suggestopedico e sui suoi antidoti", Educazione & Scuola, 2003
• Riedel, Katja, Persönlichkeitsentfaltung durch Suggestopädie, Hohengehren: Schneider, 1995.
• Schiffler, Ludger, Suggestopädie und Superlearning - empirisch geprüft. Einführung und Weiterentwicklung für Schule und Erwachsenenbildung, Frankfurt am Main: Diesterweg, 1989.
• Schiffler, Ludger, La Suggestopédie et le Superlearning - Mise à l'épreuve statistique, Paris: Didier Erudition, 1991.
• Schiffler, Ludger: "Suggestopedic Methods and Applications", Philadelphia, Tokyo, Paris etc.: Gordon & Breach Science Publisher, 1992.
• Schiffler, Ludger, Effektiver Fremdsprachen lehren und lernen - Beide Gehirnhälften aktivieren, Donauwörth: Auer, 2002.
• Schiffler, Ludger, Interhemispheric Foreign Language Learning - Activating Both Sides of the Brain, online 2003 (732KB) (http://www.ludger-schiffler.de).