Estado de Osun

Localización de Osún dentro de Nixeria

Ọṣun (no idioma ioruba), Osun (en inglés), é un dos estados da República Federal de Nixeria. É un estado interior, no suroeste da Nixeria. Creado o 27 de agosto de 1991, ten como capital a cidade de Osogbo. No 2005 tiña unha poboación estimada de 4.137.627 habitantes, nunha área de 9.251km². Delimita polo norte co estado Kwara, polo leste, en parte, co estado Ekiti e, en parte, polo estado Ondo, polo sur co estado Ogun e, polo oeste, co estado de Oyo.

É lar da Universidade Obafemi Awolowo, preeminente institución de ensino superior de Nixeria]]. Atópase tamén neste estado a antiga vila de Ile-Ifé, un importante centro de desenvolvemento político e relixioso da cultura ioruba. Outras importantes cidades e vilas son as capitais do antigo reino: Oke-Ila Orangun, Ila Orangun, Ede, e Ilesa.

Río Osun en Osogbo, estado de Osun.

O nome do estado deriva do río Osun.

Templo de Osun. O bosque sagrado de Osun-Osogobo foi declarado Patrimonio da Humanidade no 2005.

Demografía

Os principais sub-grupos étnicos do Estado Ọṣun, son os ife, os ijesha, os oyo, os ibolo e os igbomina das tribos ioruba, aínda que tamén hai persoas doutras partes de Nixeria. O ioruba e o inglés son as linguas oficiais.

Divisións administrativas

O Estado de Osun componse de trinta Áreas de Administración Local, a unidade primaria (terceiro nivel) do goberno nixeriano.

As 30 Áreas de Administración Local están listadas abaixo coas súas respectivas sedes entre parénteses:

Atakunmosa Leste (Iperindo) Atakunmosa Oeste (Osu) Ayedaade (Gbongan) Ayedire (Ile Ogbo) Boluwaduro (Otan-Ayegbaju) Boripe (Iragbiji) Ede Norte (Oja Timi) Ede Sur (Ede) Egbedore (Awo) Ejigbo (Ejigbo)

Ife Central (Ile-Ife) Ife Leste (Oke-Ogbo) Ife Norte (Ipetumodu) Ife Sur (Ifetedo) Ifedayo (Oke-Ila Orangun) Ifelodun (Ikirun) Ila (Ila Orangun) Ilesa Leste (Iyemogun) Ilesa Oeste (Ereja Square) Irepodun (Ilobu)

Irewole (Ikire) Isokan (Apomu) Iwo (Iwo) Obokun (Ibokun) Odo Otin (Okuku) Ola Oluwa (Bode Osi) Olorunda (Igbonna, Osogbo) Oriade (Ijebu-Jesa) Orolu (Ifon-Osun) Osogbo (Osogbo)

Véxase tamén

Ligazón externa

• Páxina do Goberno do Estado de Osun