Mariano Rajoy: Diferenzas entre revisións
m r2.6.4) (Bot: Engado: ext:Mariano Rajoy |
m r2.7.1) (Bot: Engado: ja:マリアーノ・ラホイ・ブレイ |
||
Liña 89: | Liña 89: | ||
[[hr:Mariano Rajoy]] |
[[hr:Mariano Rajoy]] |
||
[[it:Mariano Rajoy]] |
[[it:Mariano Rajoy]] |
||
[[ja:マリアーノ・ラホイ・ブレイ]] |
|||
[[nl:Mariano Rajoy Brey]] |
[[nl:Mariano Rajoy Brey]] |
||
[[pl:Mariano Rajoy]] |
[[pl:Mariano Rajoy]] |
Revisión como estaba o 17 de novembro de 2011 ás 16:10
Mariano Rajoy | |
---|---|
Mariano Rajoy Brey | |
Datos persoais | |
Nacemento | 27 de marzo de 1955 |
Santiago de Compostela | |
Organización | Partido Popular |
Pai | Mariano Rajoy Sobredo |
Nai | Olga Brey López |
Cónxuxe | Elvira Fernández Balboa |
Fillos | Mariano Rajoy Fernández e Juan Rajoy Fernández |
Alma máter | Universidade de Santiago de Compostela |
Profesión | Rexistrador da propiedade |
Relixión | Igrexa católica |
Na rede | |
[ editar datos en Wikidata ] |
Mariano Rajoy Brey, nado en Santiago de Compostela o 27 de marzo de 1955, é un político galego líder do Partido Popular, sucesor de José María Aznar e xefe do principal partido da oposición durante a VIII e IX Lexislatura de España.
Licenciado en Dereito, comezou a preparar as oposicións a Rexistrador da Propiedade no seu último ano de carreira. Con 24 anos converteuse no rexistrador mais novo de España.
Traxectoria
A política galega (1981 - 1991)
Decidiu entrar en política afiliándose en 1981 a Alianza Popular (actualmente Partido Popular). Conseguiu ser deputado tralas primeiras eleccións autonómicas galegas, que se celebraron o 20 de outubro dese mesmo ano. Nas eleccións municipais do 8 de maio de 1983 foi elixido concelleiro do Concello de Pontevedra e, conseguintemente tomou posesión da Presidencia da Deputación Provincial de Pontevedra. En 1986 obtivo un escano no Congreso dos Deputados como cabeza de lista por Pontevedra. Non obstante, Rajoy volveu para ocupar durante un ano a Vicepresidencia da Xunta de Galicia (1986 - 1987) tras a dimisión de Xosé Luís Barreiro. Continuou o seu ascenso alcanzando a Presidencia Provincial de Pontevedra de AP, onde se mantivo ata xullo de 1991, e a Secretaría Xeral do partido en Galicia, que dirixiu durante dous anos.
Rajoy é membro do Comité Executivo Nacional dende xaneiro de 1989, ano no que foi elixido deputado por Pontevedra e no que Alianza Popular pasou a chamarse Partido Popular.
Ministro do Goberno de Aznar (1996 - 2004)
Nas eleccións do 6 de xuño de 1993 renovou o seu escano no Congreso, algo que tamén fixo o 3 de marzo de 1996 (ano no que casou con Elvira Fernández Balboa), cando o seu partido logrou derrotar ó Partido Socialista Obrero Español de Felipe González, coa candidatura de José María Aznar.
O 5 de maio de 1996 foi nomeado Ministro de Administracións Públicas aprobándose baixo a súa estadía no cargo a Lei de Organización e Funcionamento da Administración Xeral do Estado, LOFAGE (Lei 6/1997, de 14 de abril).
En xaneiro de 1999, Rajoy cedeu o seu posto a Ángel Acebes e substituíu a Esperanza Aguirre, que recibira fortes críticas pola súa xestión, sendo nomeado Ministro de Educación e Cultura. Baixo o súa estadía no cargo aprobáronse os novos plans de estudo da Formación Profesional. Ese mes foi reelixido Vicesecretario Xeral do partido no seu XIII Congreso.
Rajoy obtivo o encargo de dirixir a campaña electoral para as xerais do 2000. O seu éxito no labor, unido á pésima situación que atravesaba o PSOE de Joaquín Almunia, levou ó Partido Popular á maioría absoluta. Aznar recompensouno entón coa Vicepresidencia Primeira do Goberno e co Ministerio da Presidencia.
En febreiro de 2001, deixou de ser ministro da Presidencia para suceder en Interior a Jaime Mayor Oreja. Como responsable deste ministerio, Rajoy conseguiu importantes éxitos na loita contra a organización terrorista ETA[Cómpre referencia].
Rajoy cesou como ministro do Interior en xullo de 2002 para asumir as carteiras de Portavoz do Goberno e, de novo, ministro da Presidencia. Dende esa posición, tivo que afrontar as dúas maiores crises do período 1996 - 2003: o desastre causado polo afundimento do Prestige e o apoio de Aznar a George W. Bush durante a invasión a Iraq de 2003. Porén, para os seus seguidores, Rajoy saíu aparentemente ben de ambos problemas e o seu papel de "fontaneiro" da Moncloa foi decisivo para a súa designación como Secretario Xeral do PP e candidato á Presidencia o 30 de agosto de 2003.
As enquisas electorais augurábanlle unha vitoria doada (con ou sen maioría absoluta), pero os atentados do 11 de marzo de 2004 en Madrid, unidos á crecente falta de credibilidade do PP debido á manipulación da información en torno ós mesmos, fixeron que se quedase en 148 deputados, 35 menos que os conseguidos por Aznar en 2000, e amplamente superados polos 164 do seu rival e actual Presidente do Goberno, José Luis Rodríguez Zapatero.
Política na oposición (desde 2004)
Mariano Rajoy ocupa actualmente a Presidencia do Partido Popular. Dende o inicio da VIII Lexislatura de España, reclamou a Zapatero un pacto de Estado para consensuar o Modelo de Estado, pero este rexeitouno.
As súas críticas ó goberno actual téñense centrado na derrogación de planos do executivo anterior (Plan Hidrolóxico Nacional, LOCE), na política exterior, principalmente respecto á relación con Estados Unidos, na política inmigratoria e nas reformas estatutarias, especialmente a catalá, e na estratexia do Goberno para a solución do terrorismo vasco.
Distincións
Véxase tamén
Wikimedia Commons ten máis contidos multimedia na categoría: Mariano Rajoy |