Aminoácido cetoxénico: Diferenzas entre revisións
Sen resumo de edición |
|||
Liña 30: | Liña 30: | ||
==Notas== |
==Notas== |
||
{{listaref}} |
|||
==Véxase tamén== |
==Véxase tamén== |
Revisión como estaba o 5 de novembro de 2011 ás 23:27
Este artigo está a ser traducido ao galego por un usuario desta Wikipedia; por favor, non o edite. O usuario Miguelferig (conversa · contribucións) realizou a última edición na páxina hai 12 anos. Se o usuario non publica a tradución nun prazo de trinta días, procederase ó seu borrado rápido. |
Un aminoácido cetoxénico é un aminoácido que pode converterse en corpos cetónicos, proceso chamado cetoxénese. O termo cetoxénico aquí contraponse co termo aminoácido glicoxénico, que son os aminoácidos que se poden converter en glicosa, aínda que hai aminoácidos que poden ser tanto cetoxénicos coma glicoxénicos. Os aminoácidos cetoxénicos non poden converterse en glicosa, porque os carbonos dos corpos cetónicos entran no ciclo de Krebs como acetil-CoA e pérdense como CO2.
A capacidade que teñen os aminoácidos cetoxénicos de formar corpos cetónicos ponse claramente de manifesto na diabetes mellitus sen tratar, doenza na que se forman no fígado grande cantidade de corpos cetónicos, que proceden principalmente dos ácidos graxos, pero tamén, en parte, dos aminoácidos cetoxénicos [1].
Degradación dos aminoácidos cetoxénicos
Para que se formen corpos cetónicos os aminoácidos, na súa degradación oxidativa, deben orixinar acetoacetil-CoA ou acetil-CoA [2]. En caso de que se formase piruvato ou intermediarios do ciclo d e Krebs, podería entrarse na vía glicoxénica, pero isto non ocorre. Os produtos que orixinan os aminoácidos cetoxénicos poden verse na figura e son os seguintes:
- A leucina orixina acetil-CoA e acetoacetato, que dá lugar a acetoacetil-CoA.
- A lisina orixina en varios pasos, primeiro glutaril-CoA e despois este dá lugar a acetoacetil-CoA.
- A fenilalanina e a tirosina orixinan primeiro acetoacetato, desprendéndose CO2 nunha descarboxilación, e despois o acetoacetato orixina acetoacetil-CoA. Nestes aminoácidos 4 dos carbonos son desviados para formar fumarato, que pode entrar na gliconeoxénese, polo que estes aminoácidos son tamén glicoxénicos.
- O triptófano pode orixinar primeiro glutaril-CoA e este despois, acetoacetil-CoA, o que o fai cetoxénico, pero parte da molécula orixina o aminoácido alanina, que se pode transformar en piruvato, que é unha molécula gliconeoxénica, polo que o triptófano e tamén potencialmente un aminoácido gliconeoxénico.
- A treonina é tamén cetoxénica e glicoxénica, porque pode orixinar tanto acetil-CoA coma piruvato.
- A isoleucina orixina acetil-CoA e succinil-CoA, polo que tamén é cetoxénica e glicoxénica.
Á parte disto, hai que dicir que algúns dos aminoácidos glicoxénicos que poden converterse en piruvato (treonina, serina, glicina, alanina e cisteína), especialmente a alanina, cisteína e serina poden potencialmente formar acetoacetil-CoA, xa que o piruvato que orixinan descarboxílase dando lugar a acetil-CoA e este forma despois acetoacetil-CoA, e isto sucede principalmente en estados patolóxicos como a diabetes melllitus.
Aminoácidos cetoxénicos
Nos seres humanos só hai dous aminoácidos exclusivamente cetoxénicos:
Entre os aminoácidos proteinoxénicos hai outros cinco que son cetoxénicos e glicoxénicos á vez:
Notas
- ↑ Lehninger A. Principios de Bioquimica (1988) Omega. Páxinas 544-545. ISBN 84-282-0738-0
- ↑ Lehninger A. Principios de Bioquimica (1988) Omega. Páxinas 544-545. ISBN 84-282-0738-0