Daniel Radcliffe

Daniel Jacob Radcliffe , nado en Fulham (Londres) o 23 de xullo de 1989 é un actor inglés, coñecido por interpretar ó personaxe protagonista da saga Harry Potter, baseada nas novelas da escritora J. K. Rowling, cuxos libros se converteron nun grande éxito mundial.

Biografía

Desde moi cativo quixo ser actor e debutou en 1999 dando vida a David Copperfield na película homónima para televisión. En 2001 interpretou un pequeno papel en El sastre de Panamá, no papel de fillo de Geoffrey Rush e Jamie Lee Curtis.

Durante esa rodaxe, a súa nai na ficción soubo da preprodución de Harry Potter e a pedra filosofal e animou a Radcliffe a presentarse ás audicións. Os seus pais pensaron que sería un proceso demasiado duro e frustrante en caso de fracasar, así que non lle deixaron facelo. Malia isto, os guionistas da película, que coñecían ó pai, vírono no patio de butacas durante a representación dunha obra de teatro. No descanso achegáronse a falar co neno e cos pais, e insistiron en que se presentara ás audicións. Finalmente acudiu e foi escollido.

Desde aquela interpretou a Harry James Potter en todas as películas da saga, recibindo varios premios e nominacións polo seu traballo.

Filmografía

• Harry Potter e as reliquias da morte - Parte 2 (2011).
• Harry Potter e as reliquias da morte - Parte 1 (2010).
• Harry Potter e o misterio do príncipe (2008).
• Equus (2007).
• My Boy Jack (2007).
• December Boys (2007).
• Harry Potter e a Orde do Fénix (2007).
• Harry Potter e o Cáliz de fogo (2005).
• Harry Potter e o preso de Azkaban (2004).
• Harry Potter e a Cámara dos Segredos (2002).
• Harry Potter e a pedra filosofal (2001).
• El Sastre de Panamá (2001).
• David Copperfield (1999).

Teatro

• Equus (2007).
• The play what I wrote (2003).

Véxase tamén

Outros artigos

• Harry Potter
• Harry James Potter

Ligazóns externas

• Daniel Radcliffe na IMDb (en inglés).
• Páxina inglesa de Daniel Radcliffe
• Páxina americana de Daniel Radcliffe
• Fansite americano