Xosé Manuel Sánchez Rei

Xosé Manuel Sánchez Rei, nado na Coruña en 1973, é un filólogo e escritor galego.

Traxectoria

Licenciouse en Filoloxía Galego-Portuguesa na Universidade de Santiago de Compostela en 1997 e doutorouse na Universidade da Coruña en 2001, onde actualmente exerce a docencia como Profesor Titular na Área de Filoloxía Galega e Portuguesa. Gañou o Certame Ricardo Carvalho Calero na modalidade de Investigación Lingüística en 1998 coa obra Sintaxe do pronome átono en galego: a interpolación, posteriormente moito modificada e publicada baixo o título de Se o vós por ben teverdes. A interpolación pronominal en galego en 1999. É secretario da Revista Galega de Filoloxía e membro do seu Consello de Redacción desde o seu aparecemento no ano 2000.

Obras

Ensaio

• Se o vós por ben teverdes. A interpolación pronominal en galego, 1999, Laiovento.
• Os pronomes demostrativos: do latín ao galego contemporáneo, 2002, Monografía 1 da Revista Galega de Filoloxía.
• A lingua galega no cancioneiro de Pérez Ballesteros, 2006, Laiovento.
• O complemento preposicional en galego. Análise desde a gramática de valencias, 2011.
• Lingua galega e variación dialectal, 2011, Laiovento.

Edicións

• O fidalgo e o teatro. Tres textos dramáticos de Ramón Otero Pedrayo (introdución, edición e notas), 1999, Departamento de Filoloxías Francesa e Galego-Portuguesa da Universidade da Coruña.

Obras colectivas

• A lingua literaria galega no século XIX, 2005, en colaboración con Xosé Ramón Freixeiro Mato e Goretti Sanmartín Rei, Universidade da Coruña.

Traducións

• Curso de Lingüística Xeral de Ferdinand de Saussure, 2005, Laiovento. (Introdución, tradución e notas).

Véxase tamén

Ligazóns externas

• Páxina na Universidade da Coruña
• Ficha do autor na AELG