Feás, Cariño

Para outras páxinas con títulos homónimos véxase: Feás.

Feás
Igrexa de San Pedro de Feás.
Concello	Cariño
Coordenadas	43°41′25″N 7°53′33″O
Área	- km²
Poboación	(Ano 2010) 201 hab.
Densidade	hab./km²
Entidades de poboación	14
[ editar datos en Wikidata ]

[[Categoría:Cariño poboación {{{ano}}}]]

San Pedro de Feás é unha parroquia que se localiza no norte do concello de Cariño. Segundo o IGE en 2010 tiña 201 habitantes (102 mulleres e 99 homes), distribuídos en 14 entidades de poboación, o que supón unha diminución en relación ao ano 1999 cando tiña 264 habitantes.

Xeografía

Localizacion da parroquia no concello de Cariño

Feás está situada no extremo sur do concello sobre a enseada de Susavila onde desemboca o río Seixo que atravesa esta pequena parroquia. Linda polo norte e polo oeste coa parroquia de Landoi dende a Punta do Cepo na beira da ría ate o curso alto do río Seixo, polo sur limita coa parroquia de Veiga dende o monte da Franca até o rego do Mallo na enseada de Susavila e polo leste o límite e a Ría de Ortigueira ,dende a Punta do Cepo até o rego do Mallo.

A estrada de Mera a Cariño cruza a parroquia de Sur a Norte pasando polos lugares de Susavila, A Rúa, Outeiro, Barral e Piñeiro.

Patrimonio

A igrexa parroquial, anexa da de Veiga, é de construción moderna, ten planta de cruz latina e ao seu carón pegado ao adro está o cemiterio. Tivo moita sona na comarca no tempo das romaxes, a da Virxe dos Remedios que se celebraba e aínda se celebra nesta parroquia, se ben decaeron bastante este tipo de romarías, queda algunha xente que lembra aqueles tempos.

Atopamos nesta parroquia o Castro da Cancela que é un exemplo de castro de chaira, formado por unha croa superior e terraza. Está rodeado parcialmente por unha muralla que desaparece no lado Norte e un foxo que segue en dirección Leste.

Véxase tamén

Outros artigos

• Lugares de Cariño