Black Swan

Modelo:FichaFilme Black Swan é un filme de suspense psicolóxico dirixido por Darren Aronofsky que foi estreado en 2010. Está protagonizada por Natalie Portman e Mila Kunis. Natalie Portman gañou un Oscar, un Globo de Ouro e o Premio da Asociación de Críticos e Guionistas Estadounidenses pola súa actuación neste filme.

Argumento

Unha compaña de ballet de Nova Iorque está producindo O Lago dos Cisnes e o director Thomas Leroy (Vincent Cassel) decide trocar á bailarina principal Beth MacIntyre (Winona Ryder) por Nina Sayers (Natalie Portman). Beth, anoxada, sofre un accidente e Nina pensa que é a culpable do seu estado.

Nina vive con Erica (Barbara Hershey), a súa autoritaria nai e antiga bailarina que segue a tratala como a unha cativa de dez años, e atopa competencia en Lily (Mila Kunis), unha talentosa bailarina recén cheagada á compaña.

O Lago dos Cisnes precisa dunha bailarina que poida interpretar ó inocente Cisne Branco, que lle acae moi ben á personalidade doce de Nina; e ó malvado Cisne Negro, que concorda coa personalidade sensual e forte de Lily.

A rivalidade das dúas rapazas vóltase en amizade e Nina comeza a explorar o lado escuro da súa persoa que sobresae cada vez con máis forza.

Premios e nomeamentos

• 2010: 1 Oscar á mellor actriz (Natalie Portman). 5 Nomeamentos, incluíndo mellor filme.
• 2010: 1 Globo de Ouro: Mellor Actriz (Portman). 4 Nomeamentos, incluíndo mellor filme.
• 2010: 1 BAFTA: Mellor Actriz (Portman). 12 Nomeamentos, incluíndo mellor filme.
• 2010: Festival de Venecia: Mellor actriz ou actor xoven (Mila Kunis).
• 2010: 4 Independent Spirit Awards: mellor filme, director, actriz (Portman) e fotografía.
• 2010: Satellite Awards: 5 Nomeamentos, incluíndo director e actriz principal (Portman).

Véxase tamén

Ligazóns externas

• Ficha en IMDb
• Ficha en Filmaffinity
• Páxina Web Oficial