Muller fatal

Mata Hari, bailarina exótica e espía convicta exemplo de muller fatal da Primeira Guerra Mundial.

Unha muller fatal ou femme fatale é un personaxe tipo, normalmente unha dona que usa o poder da sexualidade para atrapar o desventurado heroe. É unha tradución directa da expresión francesa femme fatale. Adoita ser representada ou caracterizada como sexualmente insaciábel. Aínda que polo xeral é malvada, tamén hai mulleres fatais que nalgunhas historias fan de antiheroínas e mesmo de heroínas. Na actualidade o arquetipo é visto coma un personaxe que constantemente cruza a liña entre a bondade e a maldade, actuando sen escrúpulos sexa cal for a súa lealdade.