Cromátide: Diferenzas entre revisións
| Liña 29: | Liña 29: | ||
<references/> |
<references/> |
||
[[Categoría: |
[[Categoría:Cromosomas]] |
||
[[Categoría:Bioloxía celular]] |
[[Categoría:Bioloxía celular]] |
||
Revisión como estaba o 24 de maio de 2011 ás 17:34
(1) Cromátida
(2) Centrómero
(3) Brazo curto
(4) Brazo longo
Chamamos cromátida ou cromátide a cada unha das dúas copias idénticas que constitúen un cromosoma duplicado, que se manteñen unidas polo centrómero, e que se separan durante a división celular (anafase da mitose e anafase II da meiose). Reciben o nome de cromátidas mentres están unidas polos seus centrómeros, pero cando se separan na anafase cada unha xa se considera cromosoma. Noutras palabras, unha cromátida é "unha metade dun cromosoma replicado".[1]
As dúas cromátidas dun mesmo cromosoma duplicado reciben o nome de cromátidas irmás. As cromátidas irmás son idénticas entre si (con iguais xenes e alelos), xa que son resultado dunha duplicación do ADN. Non obstante, na meiose as cromátidas dun cromosoma realizan o sobrecruzamento (intercambio de segmentos) coas cromátidas do cromosoma homólogo, o que ten como resultado a recombinación xenética entre elas, e cabe a posibilidade que as cromátidas irmás iniciais acaben tendo alelos distintos.
Un cromosoma normal duplicado ten dúas cromátidas, pero os cromosomas politénicos que se observan nas glándulas salivares de certos insectos teñen moitas copias de cada filamento de ADN.[2]
Utilízase o termo díada para referirse a un par de cromátidas irmás durante a profase I da meiose. Nese momento as dúas cromátidas irmás están aliñadas e parecen ter un centrómero indiviso, a diferenza da profase da mitose na que parecen ter cada unha o seu propio centrómero individualizado. O termo díada tamén se usa na descrición da morfoloxía de proteínas.[3]
Utilízase o termo tétrada para referirse ás catro cromátidas dos dous cromosomas homólogos emparellados durante a meiose para facer a recombinación. Os dous cromosomas forman un bivalente e cada un ten dúas cromátidas, polo que o conxunto ten catro cromátidas. As tétradas desaparecen na anafase I da meiose, momento en que os bivalentes se separan. O número de tétradas que se forman na meiose coincide co número haploide da especie de que se trate.
Véxase tamén
Notas
- ↑ Chromatid - A Cell Biology Definition
- ↑ Modelo desbotado. Use un dos modelos de citas no lugar deste marcador.
- ↑ dyad - 4 dictionary results