Valentín Arias

Valentín Arias López, nado na Vilerma (Maside, Sarria) o 22 de abril de 1934 e finado en Sarria o 25 de marzo de 2011, foi un escritor, tradutor e ensaísta galego. Foi o pai da escritora Xela Arias.

Traxectoria

Diplomado en Maxisterio, exerceu como mestre e director da Escola Primaria de Orientación Agrícola da Granxa de Barreiros (1955-1965). Dirixiu explotacións de froiteiras en Chantada e Outeiro de Rei (1965-1968) e participou no movemento agrícola cooperativista de Lugo organizando unha Cooperativa Escolar de Producións Hortícolas (1968-1969). Dende 1969 e ata a súa xubilación en 1994, exerceu a docencia na Escola de EXB de Sárdoma en Vigo. Traballou na Fundación Penzol (1970-1975) e foi xerente da editorial Galaxia (1975-1978). Colaborou en El Progreso e Grial. Recibiu o premio de Tradución Plácido Castro en 2001.

Obras

• A lingua galega na escola, 1970.
• Lecturas galegas, 1972.
• A escola rural en Galicia, 1975.
• Lois e Sabela, 1983.
• Catro nenos, 1984.
• En galego sen erros, 1991.
• Prontuario ortográfico de galego, 1993.

Traducións

• A guerrilla antifranquista en Galicia, de Hartmut Heine, 1980, Xerais.
• Lendas islandesas, de Skúli Gislason, 1982, Xerais, con J. A. Fernández Romero.
• A volta ó mundo en oitenta días, de Jules Verne, 1983.
• Diego Xelmírez, de Gordon Biggs, 1983, Xerais.
• Viaxe ao centro da Terra, de Jules Verne, 1985.
• Voo de noite, de Antoine de Saint-Exupéry, 1989, Xerais.
• O xardín, de Marguerite Duras, 1989, Xerais.
• Os galeóns de Rande, de Robert Sténuit, 1989, Xerais.
• O enxeñoso Fidalgo don Quixote da Mancha, de Miguel de Cervantes Saavedra.
• O conto da serea, de Gonzalo Torrente Ballester, 1994.
• Contos á máquina, de Gianni Rodari, 1995.

Véxase tamén

Ligazóns externas

• Ficha do autor na AELG
• Ficha en galegos.info