Evento de Cando

O Evento de Cando ou Suceso de Cando refírese a unha explosión ocurrida na aldea de Cando (Outes, galicia) a mañán do 18 de xaneiro de 1994.

En principio non se atopara o lugar do impacto. Dous días despois, o departamento de astronomía da Universidade de Santiago de Compostela comezou unha investigación sobre o acontecido, encabezada polos doctores Xosé Ánxo Docobo e Vakhtang Tamazian Arzakanian. Dous meses despoi, en abril de 1994, faise pública unha posíbel zona de impacto: «Un cráter de 25 metros de diámetro por 1,5 de profundidade. Piñeiros de máis de 20 metros de altura desplazáranses a uns 60 metros de distáncia, suxerindo un gran impacto. Todo este conxunto atopábase a uns 300 metros do lugar máis cercano, (Cando), e a casa máis preta, ficaba a uns 75 metros de distáncia.».

Xeneralmente acéptase coma explicación oficial a de tipo xeolóxico formulada por Zdeněk Ceplecha do Observatorio de Ondejov (República Checa), colaborador na investigación orixinal. Segundo Ceplecha, o incidente poido ocorrer por unha burbulla de gas subterráneo que agromou ata a superficie nunha erupción repentina, debida probábelmente a un corremento de terras. A rápida acción convectiva tería ocasionado unha separación da carga eléctrica abondo coma pra provocar unha faísca e incendiar o gas.

Non se descarta que o suceso tivérase orixinado no estourido dun corpo celeste, como se sospeita que tivo acontecido en Tunguska e outros lugares, pero é unja hipótee secundária.

A confusión xerada polo suceso estimulou a circulación de teorías conspiracionistas de tipo militar. Segundo os ufólogos, Cando é un foco habitual de avistamentos. Igualmente, a cercanía da base aérea EVA(Escuadrón de vixiancia aérea), que se atopa a 15 km axuda a manter un certo segredismo sobre este tipo de cuestións.

Enlaces externos

• Investigation of a bright flying object over Northwest Spain, 1994 January 18
• Artigo ao respeto en La Voz de Galicia.