Bandeira de Luxemburgo

Bandeira de Luxemburgo
Características
Uso	...
Proporción	3:5 ou 1:2
Adopción	23 de xuño de 1972
Cores	Vermello     Branco     Azul claro

A bandeira de Luxemburgo (en luxemburgués: Lëtzebuerger Fändel, en alemán: Flagge Luxemburgs, en francés: Drapeau du Luxembourg) consiste en tres bandas horizontais, vermella, branca e azul, puidendo ser as súas proporcións 1:2 ou 3:5.

Deseño

De acordo co Règlement Grand-Ducal de 27 de xullo de 1993, as cores da bandeira son:

Sistema	Vermello	Branco	Azul claro
Pantone	032 C	1 C	299 C
CMYK	0, 90, 85, 0	0, 0, 0, 0	85, 20, 0, 0

Historia

As cores da bandeira de luxemburgo foron utilizadas por primeira ao redor do ano 1830, durante a revolución belga. Estas cores probablemente derivasen do escudo dos condes, duques e posteriomente Grandes Duques de Luxemburgo, o cal data do século XIII. O deseño da bandeira como se coñece foi fixado o 12 de xuño de 1845, aínda que non foi adoptada oficialmente o 23 de xuño de 1972.

Luxemburgo non posuíu ningunha bandeira até 1830, cando se instou aos patriotas amosar as súas cores nacionais. A bandeira de Luxemburgo é moi semellante á dos Bandeira dos Países Baixos, aínda que difire desta na cor do azul, que no caso da luxemburguesa é azul claro.

Enseña

O león vermello é a enseña oficial paras buques rexistrados en Luxemburgo. Utilízase para o transporte fluvial e marítimo, así como para a aviación. Este indicador baséase no Escudo de armas de Luxemburgo e é usado como a insignia para evitar a posibilidade de que a enseña sexa confundida coa dos Países Baixos. A bandeira consiste en dez raias brancas e azuis cun león vermello de lingua amarela con coroa superposto. A proporción axeitada desta enseña é de 5:7.

O Réglement Grand-Ducal de 27 de xullo de 1993 dfine as cores da enseña como:

Sistema	Vermello	Branco	Azul claro	Amarelo
Pantone	032 C	1 C	299 C	116 C

Discusión sobre a bandeira

Enseña do león vermello.

O 5 de outubro de 2006, o deputado Michel Wolter presentou unha proposta lexislativa para substituír a actual bandeira nacional pola enseña do león vermello. Sostivo que a bandeira actual é confundida frecuentemente co dos Países Baixos e que, por outro lado, o león vermello era máis popular, máis estético e de maior valor histórico. Wolter tamén afirmou que falara persoalmente o asunto cunhas trescentas persoas, a maioría dos cales expresaron o seu apoio á súa iniciativa.

O 24 de outubro de 2006 unha iniciativa local chamada Initiativ Roude Léiw(iniciativa Lion Vermello) organizou unha rolda de prensa explicando a súa intención de apoiar o proxecto de Wolter. As súas primeiras accións incluíron a distribución de adhesivos coa enseña para coche, unha petición e unha enquisa. Un obstáculo para a substitución da bandeira podería ser que os veciños da provincia belga de Luxemburgo utilizan un escudo de armas semellante ao da bandeira do león vermello. Ademais, o estado alemán de Hesse tamén incorpora un deseño, semellante dalgún xeito, no seu escudo e bandeira.

Véxase tamén

Ligazóns externas

• Luxemburgo en Flags of the World (en inglés)