Monumento natural

Segundo a Lei 42/2007 do Patrimonio Natural e da Biodiversidade, defínese como Monumento Natural un espazo ou elemento da natureza constituído basicamente por formacións de notoria singularidade, rareza ou beleza, que merecen ser obxecto dunha protección especial.

Tamén contempla a citada lei que se poidan declarar Monumentos Naturais as árbores singulares ou monumentais, as formacións xeolóxicas, os xacementos paleontolóxicos e mineralóxicos e demáis elementos que reúnan un interese especial pola singularidade ou importancia dos seus valores científicos, culturais ou paisaxísticos.

Con carácter xeral, está prohibida a explotación dos seus recursos, agás naqueles casos que por razóns de investigación ou conservación se autoriza a mesma pola Administración competente.

Monumentos Naturais en Galiza

Actualmente, existen en Galiza sete espazos ou elementos naturais declarados Monumentos Naturais:

• Fraga de Catasós en Lalín, Pontevedra.
• Souto da Retorta en Viveiro, Lugo.
• Souto de Rozabales en Manzaneda, Ourense.
• Costa de Dexo-Serantes en Oleiros, A Coruña.
• Praia das Catedrais en Ribadeo, Lugo.
• Carballa da Rocha en Rairiz de Veiga, Ourense.
• Pena Corneira en Leiro, Carballeda de Avia e Avión, Ourense.

Véxase tamén

Ligazóns externas

• Lei 42/2007 do Patrimonio Natural e da Biodiversidade A definición de Monumento Natural recóllese no artigo 33.