Movemento Galego ao Socialismo: Diferenzas entre revisións

Na Galipedia, a Wikipedia en galego.
Contido eliminado Contido engadido
Sen resumo de edición
Luckas-bot (conversa | contribucións)
m r2.5.2) (bot Engadido: es:Movemento Galego ao Socialismo
Liña 64: Liña 64:


[[Categoría:Forzas políticas de Galicia]]
[[Categoría:Forzas políticas de Galicia]]

[[es:Movemento Galego ao Socialismo]]

Revisión como estaba o 27 de decembro de 2010 ás 11:36

Ano fundación 2009
Ideoloxía Nacionalismo galego de esquerdas
Ámbito Galiza
Sede central Av. Lugo, 203 (entrechán) - Compostela
Web do partido http://mgs-galiza.org/

O Movemento Galego ao Socialismo (MGS) é unha organización política independentista de esquerdas. Como tal organización naceu en marzo de 2009, aínda que a súa orixe se remonta ao verán de 2006. Na actualidade (2010) o MGS actúa no interior do Bloque Nacionalista Galego (BNG), e ten representación tamén na Confederación Intersindical Galega (CIG).

Historia

A Historia do MGS pode dividirse en tres períodos básicos:

  • O período comprendido entre o verán de 2006 e decembro de 2008, onde os militantes que despois conformarán o MGS fan parte do Movemento pola Base até a escisión interna.
  • O período comprendido entre dezembro de 2008 e marzo de 2009, no que, após a rotura interna, se produce o conflito polo mantemento do nome e das siglas.
  • O período comprendido entre marzo de 2009 e a actualidade, no que o MGS se establece e engrosa a súa base social.

A oposición á deriva do BNG

O primeiro período pode definirse como de oposición ao que se consideraba un afastamento do BNG no que tocaba a algúns dos seus piares básicos, nomeadamente o soberanismo e a esquerda. A praxe política do BNG no goberno bipartido co PSOE na Xunta de Galiza (2005-2009) provoca que militantes da UPG (partido integrante do BNG) abandonen ese partido para crear unha nova organización no interior do Bloque, baixo no nome de Movemento pola Base (MpB). A eles únense militantes independentes do BNG (non adscritos a ningún grupo interno) e militantes da CIG nas comarcas de Ferrol, Compostela e Vigo, entre os que destacan Antolín Alcántara, Fermín Paz, Manuel Mera e Ramiro Oubiña, que facían parte da Executiva da CIG.

O MpB presentou entón candidatura propia ao Consello Nacional que sería escollido na XII Asemblea Nacional do BNG. A lista estaba encabezada por Fermín Paz e Paula Castro e conseguiu 245 votos (9,32%) e 5 representantes. O MpB criticou o que consideraba unha deriva cara á homoxeneización do BNG. O día 28 de outubro de 2007, o MpB constitúese formalmente como organización política, definíndose como independentista, socialista e de clase.

División interna

Entre os meses de decembro de 2008 e xaneiro de 2009 esta corrente fragmentouse entre aqueles partidarios de crearen unha nova formación política á marxe do BNG e os que avogaban por seguir dentro desa fronte. Tamén foi un elemento importante na división o papel do MpB na CIG e as súas relacións coa UPG dentro desta central sindical[1]. As dúas faccións reivindicaron a súa lexitimidade e o uso da denominación Movemento pola Base.

A facción que emprega como canle de comunicación o web polabase.net celebrou unha asemblea nacional o 7 de febreiro do 2009 onde se decidiu abandonar o BNG como plataforma electoral da organización e se manifestou a necesidade dunha nova organización soberanista con presenza nas institucións[2]. Esta facción abandonou definitivamente o BNG o 14 de marzo de 2009[3]. Despois de que os membros de Movemento pola Base que empregaban o dominio polabase.net marcharan do BNG, o resto dos membros do Movemento pola Base que permaneceron no BNG (polabase.org) crearon unha nova organización denominada Movemento Galego ao Socialismo[4]

Nacemento do MGS como novo proxecto político

O Movemento Galego ao Socialismo constituíuse formalmente o 20 de marzo de 2009. A diferenza entre o MpB e o MGS era principalmente estratéxica ao considerar o MGS que podía realizar un traballo de recuperación dos principios fundamentais do Bloque no seo do BNG, obrigando así a fronte a reconducir as políticas que o MGS e o MpB consideraban afastadas do soberanismo e da esquerda política.

En febreiro de 2010 tivo lugar a súa presentación formal durante o I Encontro Nacional do MGS, que se celebrou no concello galego de Teo. Nese encontro, a militancia fixou oficialmente a posición do MGS ao avogar polo carácter asembleario, por unha estratexia de nacionalismo emancipador e polos postulados da esquerda transformadora [5]

Estrutura

O MGS é unha organización asemblear baseada nas diferentes asembleas de zona (de ámbito comarcal) con capacidade para marcar a estratexia política da organización a nivel nacional. Ademais, a este nivel, no Encontro de Teo foi creada a Coordinadora Nacional, responsábel pola coordinación do MGS até a celebración da I Asemblea Nacional. Nesta Coordinadora Nacional teñen presenza os representantes escollidos por cada asemblea de zona, ademais de representantes da CIG e da organización xuvenil Isca!

Presenza noutras organizacións

O MGS continúa a análise realizada na primeira época do MpB que conduciu ao rexeitamento dunha estratexia marxinalista. O obxectivo é ter presenza social e presenza naqueles organismos vinculados co nacionalismo galego, nomeadamente no BNG e na CIG.

Canto á presenza no BNG, o MGS conta con un dos quince membros da Executiva Nacional en base ao apoio dado á candidatura da UPG Alternativa pola Unidade (APU) na Asemblea Nacional extraordinaria do BNG celebrada despois da queda do goberno bipartido. Grazas ao apoio da candidatura do MGS, Máis Alá, a APU liderada por Guillerme Vázquez conseguiu alcanzar os 8 representantes que lle daban a vitoria sobre os quintanistas de Máis BNG liderados por Carlos Aymerich (7 representantes).

Canto á presenza na CIG, o MGS fai parte da maioria sindical que se presentou ao V Congreso Confederal da CIG e que escolleu Suso Seixo como novo Secretario Nacional do sindicato. Ademais, o MGS tem presenza destacada nas comarcas de Ferrol, Vigo e Compostela.


Notas

Véxase tamén

Ligazóns externas