Río Kagera: Diferenzas entre revisións

Na Galipedia, a Wikipedia en galego.
Contido eliminado Contido engadido
(Sen diferenzas.)

Revisión como estaba o 20 de decembro de 2010 ás 20:07

Río Kagera
(Kagera-Akagera-Nyabarongo-Mwogo-Rukarara)
[[Ficheiro:|250px]]
O río Kagera, na fronteira entre Ruanda e Tanzania
PaísRuanda
Tanzania
Uganda
NacementoRíos Akagera e Ruvubu
Lonxitude621 km
ConcaRío Nilo
DesembocaduraLago Vitoria
Localización do río Kagera (mapa de Uganda)
Localización do río Kagera (mapa de Ruanda)

O río Kagera é un río da África Oriental, o maior tributario do lago Vitoria e un dos ríos da cabeceira do río Nilo. O río forma fronteira natural entre Tanzania e Ruanda e, tamén, entre Tanzania e Uganda. Ten unha lonxitude, sen incluír as súas fontes, de 400 km.[1]

Xeografía

Nos seus inicios é coñecido como río Rukarara, nacendo en Ruanda, cerca do extremo norte do lago Tanganica, no corazón do bosque tropical de Nyungwe, na provincia Occidental. O río cambia varias veces de nome segundo descende e vai incorporando afluentes: primeiro leva o nome de Mwogo, logo o de Nyabarongo; ao confluír o Nyabarongo co Akanyaru dá lugar ao nacemento do río Akagera, e, despois, ao recibir este pola dereita o río Ruvubu, dá lugar ao río Kagera.

O Kagera flúe cara o norte, constituíndo durante a primeira metade do seu percorrido a fronteira natural entre Tanzania e Ruanda. Neste primeiro tramo, o río forma primeiro o límite occidental da reserva tanzana de Rusuma Falls-Burigi Game, e, máis adiante, durante un largo tramo, o límite oriental do ugandés Parque Nacional Akagera, que leva ese polo río.

Cerca de Kagitumba, o río cambia repentinamente de dirección cara o leste, nun punto no que hai unha trifronteira entre Ruanda, Tanzania e Uganda. Segue cara o leste, sendo a fronteira tanzano-ugandesa. Logo describe unha ampla curva cara o sur adentrándose no territorio tanzano e de novo volve, xa no seu tramo final, a ser fronteira entre Tanzania e Uganda. Desemboca finalmente no lago Victoria pola parte central da beira occidental, a uns 40 km ao norte da cidade de Bukoba.

A súa cabeceira é a fonte do río Nilo máis afastada do mar Mediterráneo.

Hidroloxía

O río Kagera e os seus afluentes drenan a maior parte do territorio de Ruanda. Os principais afluentes do río son:

  • pola marxe esquerda:
  • río Muvumba;
  • río Karangaza;
  • río Kamiramugezi;
  • pola marxe dereita:
  • río Ruvubu;

Notas

  1. [1], Britannica Online Encyclopedia (en inglés)

Véxase tamén