Bemil, Caldas de Reis

Bemil
Fachada da Igrexa románica de Santa María de Bemil de finais do século XII.
Concello	Caldas de Reis
Coordenadas	42°37′08″N 8°39′10″O
Área	- km²
Poboación	(Ano ) hab.
Densidade	hab./km²
Entidades de poboación	6
[ editar datos en Wikidata ]

[[Categoría:Caldas de Reis poboación {{{ano}}}]]

Santa María de Bemil é unha parroquia do concello de Caldas de Reis. Conta con tres aldeas: Follente, Outeiro e Paradela. Nos últimos anos configurouse un novo núcleo de poboación próximo á área industrial das Veigas de Almorzar. A poboación está próxima aos mil habitantes.

Patrimonio

Conta cunha capela dedicada a San Lourenzo no lugar de Outeiro e outra no lugar de Paradela. A Igrexa Parroquial foi construída a finais do século XII, aínda que do estilo románico só conserva a antiga fábrica medieval, a ábsida, o rosetón da fachada occidental e un treito do muro sur.

Festas e romarías

Na igrexa parroquial consérvanse as reliquias de San Xusto, na honra ao cal se celebra unha popular romaría o último domingo de agosto. Outra festa moi populosa é a dedicada á Virxe das Dores (fin de semana arredor do 15 de setembro) en Follente, que conta con dous días festivos: o primeiro coa tradicional verbena e o segundo cunha misa e procesión campestre e unha comida de confraternidade con varios centos de veciños.

Galería de imaxes

Artigo principal: Galería de imaxes de Bemil, Caldas de Reis.

• 
  Ábsida da igrexa de Santa María de Bemil.
• 
  Procesión de Follente (Bemil) coa imaxe da Virxe das Dores previa ao tradicional xantar de confraternidade.

Véxase tamén

Outros artigos

• Lugares de Caldas de Reis